[A:93a]gi lugs bzhin bsgrubs nas chos kyi lung legs par shes pa byung na phyogs ris med par bkur bsti dang zhabs tog legs par byed pa yin/ de ltar lugs bzhin byed pa'i dge 'dun rnams la gzhan dmag dpon dang / dmag mi/ mkhar dpon/ dar kha che/ gser yig pa la gtogs pa gang gis kyang ri rgyu ma byed/ dmag khral las gsum gang yang ma bkod par/ shAkya mu ne'i lam gyi lugs las log pa mi byed cing gnam mchod pa dang / nged kyis smon lam 'debs kyin sdod chug 'das nas 'dzin rgyu'i 'ja' sa byin pa yin/ dge 'dun rnams lha khang dang khang par gser yig pa ma babs su chug za ma 'u lag ma len du chug lha khang la gtogs pa'i sa cha dang / chu dang / chu thags la sogs pa ci yin pa thams cad ma 'phrogs ma 'then chug lugs med pa'i gshed ma tshong chug dge 'dun rnams kyis kyang 'ja' sa yod pa yin zer nas shAkya mu ne'i lugs las log pa byed pa gar 'thad/ nged kyi lugs kyi byi ba lo'i dbyar zla 'bring po'i tshes gcig la gshong thor bris/ bde bar gshegs pa'i bstan pa chos kyi gru/ /'khor ba rgya mtsho'i pha rol myur sgrol ba'i/ /mnyen pa mkhas pa 'phags pa'i mtshan can la/ /brten nas gzhan la phan pa'i gtam 'di byas/ /dge ba 'di yis ma lus 'gro ba kun/ /rgyal ba'i yon tan rin chen gling zhugs te/ /'phrin las 'od rdzogs dge ba rab mnyes pas/ /yid kyi mun pa ma lus sel gyur cig /ces pa 'di se chen rgyal po'i 'ja' sa mu tig ma'o/ /de rnams kyis