[A:92b]yang / phyi ma phan chod chos kyi lugs la brten dgos par gnang ba'i don la legs par brtags nas/ sangs rgyas shAkya mu ne'i lam 'di yang dag par mthong zhing / de yang rang gis legs par rtogs nas gzhan la phyin ci ma log par ston pa slob dpon 'phags par 'dug pa'i don la dbang bskur ba zhus shing / gug shrI'i las ka phul nas/ dge 'dun 'dus pa thams cad kyi mgon gnyer la bskos pa yin pas/ slob dpon gyis kyang spyir sangs rgyas bstan pa'i zhabs tog dang / dge 'dun gyi mgon gnyer dang / chos bshad pa dang / nyan pa dang / sgrub pa'i mgo lung legs par gyis/ dge 'dun rnams kyis kyang / slob dpon gyi lung las log pa ma byed par/ sangs rgyas kyi bstan pa'i rtsa ba yin pas/ chos kyi lugs legs par shes pa rnams kyis shod/ gzhon pa blo brtan pa rnams kyis slob/ chos kyi don legs par shes pa dang / bshad nyan mi nus pa rnams kyis tshul bzhin du bsgom/ de ltar byas na sangs rgyas kyi bstan pa yang de yin mod/ nged yon bdag gi tshogs rdzogs pa dang / dkon mchog gsum gyi zhabs tog byas pa yang don yod pa yin/ khyed dge 'dun rnams kyis bshad pa dang / nyan pa dang / sgrub pa tshul bzhin du ma byas na sangs rgyas kyi bstan pa'i bya ba de gang yin/ sangs rgyas kyis kyang / nga'i bstan pa 'di ri dwags kyi rgyal po seng ge dang 'dra/ rang gi lus kyi nang nas gnod pa ma byung na phyi rol gang gis kyang gzhig par mi nus zhes gsungs pa yin mod/ nged lam chen po la bsdad nas nged kyi lung