[A:62b]'tshal lo/ /zhes pa dang / srid pa kun tu legs par sbyangs pa'i phyir/ /mnal lam du yang chos kyi sgo rnams kun/ /dge ba'i bshes kyis mngon sum gdams par mdzad/ /rnam dag khyod la spyi bos phyag 'tshal lo/ /zhes so/ /gzhan yang nub cig bdag nyid chen po la khyed slob dpon chen po dpal phyogs kyi glang po'i gdan sar bsko bas gshegs par zhu zer zhing / phyogs kyi glang po'i ri phug yin zer ba'i brag bug sgo glegs dang bcas pa/ ngos rnams la glegs bam mang po yod pa zhig gi lde mig gtad pa rmis te/ de nas tshad ma'i bstan bcos rnams 'bad mi dgos par mkhyen no zhes gsungs pa dang / yang skyid grong du byon tshe nub gcig mnal lam du de'i jo bo la/ dus gsum sangs rgyas thams cad kyi/ /mkhyen brtse gcig tu bsdus pa'i dngos/ /de mtshan thugs rje che zhes bgyi/ /spyan ras gzigs la phyag 'tshal lo/ /zhes sogs bstod pa mdzad pa la/ mnal sad pa na tshigs su bcad pa dang po bzhi las/ gzhan rnams ni mi dran gsungs so/ /yang skabs shig gi tshe mnal lam du tshogs chen po zhig la tshad ma rnam 'grel gyi mchod brjod saM skri ta'i skad du gsungs pas/ phrag gong gnyis nas nyi zla dus gcig la shar te song ba rmis pa na/ de nyid rje btsun chen po la zhus pas/ de lta bu thub par dka' gsungs nas tshogs pa lnga stong tsam la mang ja bskol zhes thos so/ /yang dpal bsam yas lhun gyis grub pa'i gtsug lag khang du chos 'khor la btsad pos spyan drangs nas chos 'khor mdzad pa na/ rgyud kyi brtag pa phyi ma'i le'u lnga pa yan