[A:62a]rtse rnying ma na da lta yang yod do/ /des na bod kyi paNDi tas phyi rol mu stegs kyi rgol ba bzlog pa ni chos rje 'di kho nar zad do/ /gnyis pa 'phrin las sna tshogs pas gzhan gyi don mdzad pa'i tshul ni/ spyir ngo mtshar ba'i rnam par thar pa bsam gyis mi khyab mod/ phyogs tsam zhig brjod na/
bdag nyid chen po 'dis dgung lo bco brgyad bzhes pa'i dus/ dpal ldan sa skya'i a phyi'i 'bum pa'i drung du/ sangs rgyas gnyis pa slob dpon dbyig gnyen yin zer ba'i paNDi ta sngo sangs sku sha ha cang zhum pa ma yin pa zhig bzhugs pa la chos mngon pa mdzod zla ba gcig gi bar du gsan pa rmis shing / mnal sad pa na mdzod kyi tshig don ma lus pa thugs su chud de/ phyis kha che paN chen la gsan dus sngar las khyad par che ba ma byung gsungs so/ /de ltar slob dpon dbyig gnyen dang chos rje sa skya paNDi ta nas rim pa bzhin du brgyud pa'i bshad srol yang 'jam pa'i dbyangs shes rab rgya mtshos gsan no zhes de nyid kyi gsan yig las 'byung ngo / /gzhan yang mnal lam ngo mtshar can ni/ kha che paN chen bod du ma byon pa na/ de nyid kyis chos zab mo rdo rje'i glu ru len pa gsan pa rmis te/ mnal sad pa na tshig don ma brjed par snang zhing / phyis de bod du byon dus don de nyid zhus pas/ de nub kho bo la'ang rmi lam de lta bu byung zhes gsungs par grags la/ de ltar yang / chos kyi ma mo ma bslabs thugs su chud/ /gzhon nu'i dus na yon tan thams cad rdzogs/ mkhas pa du ma'i tshogs kyi dbus na bstod/ /blo ldan khyod la spyi bos phyag