[A:63a]song / lam 'bras phal cher song nas srin po ri pas dge 'dun gyi ston mo mdzad pa'i tshogs dpon la spyan 'dren du byung nas nang par 'byon pa'i do nub dmigs pa dang / byin rlabs dang / bka' bgros zhu ba mang po zhig gis thugs g.yengs nas tho rangs bar du mnal rgyu ma byung / de nas cung zad mnal ba na mi skya shar ba tshan cig byung nas phyag dang phyag rten phul te/ chos rje pa sems can thams cad skye rga na 'chi'i chu bo chen po 'dis shin tu nyam thag par mi gda' lags sam zer ba la/ de tsug 'dug gsungs pas/ de las thar pa'i gsol 'debs gcig zhu zer ba la/ skye ba skye ba med pa'i don rtogs kyang / /da dung skye ba'i 'dam las grol ma gyur/ /skye ba kun tu skye bor skye 'gyur ba'i/ /skye ngan bdag gi skye ba'i skyabs mdzod cig /gyis la gsol ba thob gsungs pas/ rgas pa la sogs pa gzhan gsum la'ang de sbyar du rung ngam zer ba la/ rung zhes gsungs pa la/ phyag btsal nas bka' drin che'o zhes zer nas song pa rmi zhing / mnal sad pa na de gtsug lag khang gi bka' srung rgyal po yin pa 'dug snyam du dgongs so zhes zer ba thos so/ /gzhan yang rgyud yongs su dag pa'i gdul bya 'ga' zhig la rje btsun 'jam pa'i dbyangs nyid kyi sku dngos su bstan nas don mdzad do zhes 'byung ste/ bo dong rin po che brtson 'grus rdo rjes de lta bur gzigs so zhes bstod pa byed pas kyang / bsam pa dag pa'i gdul bya 'ga' zhig gis/ /'jam pa'i dbyangs su mig gis mthong gyur cing / /'phags pa'i yul na'ang