[A:43]ཀ་བྱེད་བློ་ཙབ་ཙབ་བྱེད་མི་དགོས་གསུང། རྗེ་བཙུན་མ་སྒྲོལ་མ་རྣམ་པར་རྒྱལ་མའི་ཚེ་བསྒྲུབ་དེ་གནང་ནས། ད་ལྟའི་ཆོས་འཁོར་རྩིས་འདི་ན་སྤེ་ཆུང་ཞིག་ཡོད་པ་དེར་སྐུ་མཚམས་བཅད་རྒྱ་མ་ཅིག་མཛད་ནས། ཐུགས་དམ་བཟླས་བརྗོད་འགྲུས་པར་མཛད་པས་ཞག་འགའ་སོང་བ་ན། ཐོ་རངས་ཅིག་པཎ་ཆེན་རིན་པོ་ཆེ་ཉིད་ཀྱི་གཟིགས་སྣང་ལ། མདུན་གྱི་ནམ་མཁའ་ལ་སྒྲོལ་མ་གསེར་གྱི་མདོག་ཅན་ཕྱག་ཏུ་གསེར་གྱི་བུམ་པ་འཛིན་པའི་མཆུ་ལས། འཆི་མེད་ཀྱི་བདུད་རྩི་རྗེ་ཉིད་ཀྱི་ཞལ་དུ་ཐིགས་པའི་རྣམ་པ་རེ་རེ་ནས་གནང་བའི་ཚེ། ཞལ་བདུད་རྩི་ལ་གཏད་ནས་གྲངས་ཐུགས་ཀྱིས་བཏབ་པས། དྲུག་ཅུ་རེ་གཅིག་གཉིས་ལ་ཐིགས་པ་ཕྲ་བ་ཙམ་བྱུང། བརྒྱད་ཅུའི་བར་དུ་གསོལ་བའི་ཐུགས་ཉམས་བྱུང་རྗེས། སྔར་གྱི་བར་ཆད་རང་གྲོལ་གྱུར་ཞེས། པཎ་ཆེན་ཉིད་ལས་དྲིན་ཅན་སྤྱང་ལུང་བས་སྒྲོལ་མ་འདི་ཉིད་ཀྱི་ཚེ་བསྒྲུབ་རྒྱ་མ་དགེ་སློང་མ་མཆོག་གྲུབ་མ་སོགས་ཐུགས་རྗེས་ལྷག་པར་སྐྱོང་བའི་དད་གུས་ཅན་གྱི་རྡོ་རྗེ་སྤུན་འགའ་ལ་རྒྱ་མ་པའི་སངས་རྒྱས་དབོན་གྱིས་བྱིན་གྱིས་བརླབས་པའི་གནས་སུ་སྩལ་དུས། ཡིད་ཆེས་པའི་ལོ་རྒྱུས་ལ་གཅེས་ཆོས་ཀྱི་ཆེ་འཛིན་དུ་སྦྱར་ནས་སྩལ་ཞེས། བདག་ལ་ཡང་སྒྲོལ་མ་རྣམ་པར་རྒྱལ་མའི་ཚེ་བསྒྲུབ་འདི་བཟླས་པ་ལན་གསུམ་ཞུས་དུས། རེ་རེ་ལ་ཡང་ལོ་རྒྱུས་འདི་ཉིད་མ་ཆད་པར་བཀའ་འདྲིན་དུ་མཛད་པའི་ཆ་ལས་སོ༎
དེའི་སྟོན་ནཱ་ལེནྡྲར་བདག་པོ་མཐུ་སྟོབས་དབང་ཕྱུག་པ་བྱོན་ཞིང། རོང་སྟོན་ཆེན་པོ་དང་མཇལ་སྐབས་གུར་མགོན་དངོས་སུ་གཟིགས་ཟེར་གྲགས་པ་གཡེད་ཆེ་བ་བྱུང། རང་རེས་ཕྱག་མཇལ་ལས་དེ་དུས་བཀའ་འབྲེལ་ནི་མ་ཐོབ་གསུང་ཞེས་རྡོ་རིངས་ཀུན་སྤངས་རིན་པོ་ཆེའི་གསུང་སྒྲོས་སོ༎
སྐྱེ་བར་གོམས་པས་ཤེས་བྱའི་གནས་ཀུན་ལ༎
འདབ་ཆགས་མཁར་སྤྱོད་གསེར་མིག་ཆུར་འཕྱོ་ལྟར༎
ངང་གིས་དཀའ་བ་