[A:28]ལུགས་ཀྱི་དབུ་མ་ལ་ནོར་བ་བརྒྱ་དང་བརྒྱད་གྲངས་བཏབ་ཀྱི་སྐྱོན་ངོས་བཟུང་བ་ལྟ་བུ། ཕྱོགས་སྔའི་བཞེད་དོན་དགོངས་པའི་དཔེ་བཞག་དང། དེ་དག་ལས་མཚོན་པའི་འཇམ་དབྱངས་གསར་མའི་ཞལ་ལུང་དུ་བསྒྲུབ་པའི་གནས་ཐམས་ཅད་གནས་མ་ཡིན་པར་གཏན་ལ་འབེབས་པའི་རིགས་པའི་མཚོན་ཆ་འབར་བའི་རྣམ་གསལ་དབུ་མའི་སྟོང་ཐུན་ཆེ་ཆུང་དུ་བཀོད་པ་དག་ལས་དཔོགས་པར་ནུས་པ་ཞིག་གོ༎
དཔྱོད་ལྡན་འབུམ་སྡེའི་དབུས་ན་སྨྲ་མཁས་ཞེས༎
གཞོན་ནུ་བློ་གསལ་སྙན་གྲགས་མེ་ཏོག་ཕྲེང༎
རབ་བཀྲ་གསར་པའི་ཟུར་ཕུད་ལྡེམ་པ་ཅན༎
ཡིད་འོང་ལྷ་བུ་དགྲ་བཅོམ་གོས་ཀྱིས་ཀླུབས༎
ཆོས་སྨྲའི་མདུན་སར་ཆོས་ཀྱི་སྒོ་བརྒྱ་པ༎
རང་གཞན་མ་འདྲེས་འབྱེད་པའི་གཞན་འཕྲུལ་མཁན༎
རྣར་སྙན་ཀ་ལ་བིང་ཀའི་སྒྲ་དབྱངས་ནི༎
ཐོས་ཚེ་མི་མགུའི་གཟུར་གནས་བློ་ལྡན་སུ༎
མཁྱེན་གསལ་དངས་མའི་ཡིད་མཚོར་ཤེས་བྱའི་གཟུགས༎
ཇི་སྙེད་འཆར་ལ་དོག་པའི་གནས་མིན་པ༎
ཀུན་གསལ་མ་འདྲེས་བཀྲ་བའི་ཚོན་རིས་གང༎
མཁའ་ནང་འཇལ་འོད་འཁྱིལ་བས་དཔེ་ཟླ་ཅི༎
དྲེགས་ལྡན་མདའ་ལྔའི་བདག་པོ་ཁྲོས་པའི་ཚིག༎
རྩུབ་འགྱུར་ཚལ་གྱི་རྣམ་འགྱུར་སྤོང་བྱེད་ཕྱིར༎
གཞན་གཞུང་སྦྱངས་པ་ཕུལ་ཕྱིན་མཁས་པའི་ངག༎
ཇི་ལྟའི་གསང་ཚིག་ཐབས་མཁས་འཕྲུལ་གྱིས་བཞེས༎
ཞེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། སྔོན་བྱུང་གཞོན་ནུ་མང་ལེན་ལས་ཆོས་ཀྱི་གྲགས་པས་རྟོག་གེའི་ཚུལ་བཙལ་བ་ལྟར་ལས་བསྒྲགས་པའི་རབ་ཏུ་བྱེད་པ་ལྔ་པའོ༎
Chapter 6: mkhas pa mkhas pa'i grangs su bgrangs pa'i skabs
དེར་མཚལ་ཆོས་འཁོར་གླིང་རང་ན་བཞུགས་སྐབས་དེ་ཉིད་ལ། གླང་ཐང་ནས་ཁུ་བོ་ལྷག་པར་བསྙུང་བའི་སྤྱན་འདྲེན་གྱི་བྱམ་རྟ་ཞིག་བློ་བུར་འོངས་པའི་རྐྱེན་བྱས། དེ་མ་ཐག་རང་བསྐྱོད་པ་བདེ་བར་ཡོར་པའི་ལ་ལ་ཕེབས་ཤིང་མཇལ་དུས་