[A:28]lugs kyi dbu ma la nor ba brgya dang brgyad grangs btab kyi skyon ngos bzung ba lta bu/ phyogs snga'i bzhed don dgongs pa'i dpe bzhag dang/ de dag las mtshon pa'i 'jam dbyangs gsar ma'i zhal lung du bsgrub pa'i gnas thams cad gnas ma yin par gtan la 'bebs pa'i rigs pa'i mtshon cha 'bar ba'i rnam gsal dbu ma'i stong thun che chung du bkod pa dag las dpogs par nus pa zhig go//
dpyod ldan 'bum sde'i dbus na smra mkhas zhes//
gzhon nu blo gsal snyan grags me tog phreng//
rab bkra gsar pa'i zur phud ldem pa can//
yid 'ong lha bu dgra bcom gos kyis klubs//
chos smra'i mdun sar chos kyi sgo brgya pa//
rang gzhan ma 'dres 'byed pa'i gzhan 'phrul mkhan//
rnar snyan ka la bing ka'i sgra dbyangs ni//
thos tshe mi mgu'i gzur gnas blo ldan su//
mkhyen gsal dngas ma'i yid mtshor shes bya'i gzugs//
ji snyed 'char la dog pa'i gnas min pa//
kun gsal ma 'dres bkra ba'i tshon ris gang//
mkha' nang 'jal 'od 'khyil bas dpe zla ci//
dregs ldan mda' lnga'i bdag po khros pa'i tshig//
rtsub 'gyur tshal gyi rnam 'gyur spong byed phyir//
gzhan gzhung sbyangs pa phul phyin mkhas pa'i ngag//
ji lta'i gsang tshig thabs mkhas 'phrul gyis bzhes//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ sngon byung gzhon nu mang len las chos kyi grags pas rtog ge'i tshul btsal ba ltar las bsgrags pa'i rab tu byed pa lnga pa'o//
Chapter 6: mkhas pa mkhas pa'i grangs su bgrangs pa'i skabs
der mtshal chos 'khor gling rang na bzhugs skabs de nyid la/ glang thang nas khu bo lhag par bsnyung ba'i spyan 'dren gyi byam rta zhig blo bur 'ongs pa'i rkyen byas/ de ma thag rang bskyod pa bde bar yor pa'i la la phebs shing mjal dus