[A:226]གི་བདུད་རྩི་འདི་རྣམས་ལ་ནན་ཏན་གྱིས་ལྟ་ཞིང་ཀུན་ཆུབ་པར་བྱ་བ་ཉིད་ལས་འབད་པའི་གནས་མེད་དོ༎ ཞེས་ངེས་པར་བྱ་བའི་ཕྱིར་ཉུང་ངུའི་ཚིག་ཏུ་བསྡེབས་ནས་བརྗོད་པ་འདི་ལྟར།
བློ་གསལ་སྨྲ་བའི་ངག་གི་དཔལ་སྟེར་རིག་གནས་ཕྲ་མོའི་ལེགས་བཤད་ཚོགས༎
སྔོན་རབས་ཤེས་བྱེད་བླ་མའི་ཡོན་ཏན་རྒྱན་ཕྲེང་སྤེལ་བའི་རྣམ་ཐར་དང༎
དེ་དེ་ཇི་བཞིན་བཤེས་གཉེན་དམ་པའི་ཡོན་ཏན་བརྗོད་པའི་བསྟོད་པའི་ཚིག༎
རང་གི་མཛད་པའི་ངོ་མཚར་སྟོན་པའི་དེབ་གཏེར་བསྟོད་པའི་རབ་བྱེད་བཞི༎
རྒྱལ་དང་དེ་སྲས་མཆོག་ལ་བསྔགས་པའི་སྙན་ངག་མཁས་པའི་ཡིད་འཕྲོག་དང༎
གཞན་གྱིས་བརྩད་ཅིང་དྲིས་པའི་རྒལ་ལན་སྤྲིན་ཡིག་སྣ་ཚོགས་སྤེལ་བའི་སྡེ༎
སྔགས་གཞུང་ཟབ་དགུའི་བཅུད་བསྡུས་སྡེབས་ལེགས་རང་གཞན་འབྱེད་པའི་བརྡ་གསང་གང༎
ལྷག་པའི་ལྷ་མཆོག་བརྙེས་པའི་སྒྲུབ་ཐབས་སྔགས་འབྲུ་ཤེས་བྱེད་སྒོ་དུ་མ༎
ཚད་མའི་ཆོས་འབྱུང་དཔྱོད་ལྡན་དགའ་བྱེད་དཀའ་འགྲེལ་རིགས་པའི་སྣང་བ་འཕྲོ༎
རྟོག་གེའི་འཁྲུལ་པ་ཡོངས་སུ་འཇོམས་བྱེད་རྟོག་གེའི་སྙིང་པོ་བསྡུས་པའི་བཅུད༎
སྡེ་བདུན་རིགས་པའི་གཏེར་གྱི་རོལ་མཚོ་སྡེ་བདུན་བང་མཛོད་ལྡེ་མིག་ཅན༎
སེམས་ཙམ་གསལ་བའི་མེ་ལོང་གང་དེར་ཤེས་བྱའི་གཟུགས་བརྙན་མ་ལུས་ཤར༎
བཞེད་ཚུལ་རྒྱ་མཚོའི་རླབས་ཀྱི་འཕྲེང་བར་རྒྱ་བོད་མཁས་པའི་འགྲེལ་ཚུལ་བསྟན༎
ལུས་དང་ཡན་ལག་རྒྱས་པར་འཆད་བྱེད་ལུང་དོན་རྒྱ་མཚོའི་གཏིང་མཐའ་ཡས༎
གཞུང་ཚིག་རེ་རེ་སྦྱོར་བའི་ཊཱི་ཀ་གནད་ཀྱི་སྒྲོན་མེས་གསལ་བར་བྱས༎
རང་གཞུང་སྒྲུབ་པའི་ལུང་རིགས་རྒྱ་མཚོ་ལེགས་བཤད་རྦ་ཀློང་གཡོ་བ་ཅན༎
ཟུར་འདེབས་ཆུ་ཆེན་རྣམ་པ་བཞི་དེ་ལུང་གི་རྒྱ་མཚོ་ཆེན་པོར་འབབ༎
འཇུག་སྒོ་གསུམ་གྱི་མཐར་རྒྱས་འཆད་བྱེད་ལུང་གི་ཆོས་ཀུན་སྙིང་པོའི་མཛོད༎
ལོག་རྟོག་ཚིག་འབྲུ་ཕྱེ་མར་