[A:225]ལ་བཞུགས་པས་དངོས་སུ་གཟིགས་ཤིང། དེར་སྡེ་བདག་དྲུང་གིས་བཀས་བཅད། སྐུ་གདུང་ཡིད་བཞིན་དབང་གི་རྒྱལ་པོ་ཉིད་རིལ་པོ་གཅིག་ཏུ་བཞུགས་པའི་བཞུགས་གནས་དངུལ་གདུང་བཀྲ་ཤིས་སྒོ་མངས་མ་གྲུབ་བར་ཤིང་སྒམ་དུ་དར་ཟབ་དྲི་བཟང་གིས་བཀུར་སྟི་གནང། གདུང་འབུལ་ཕྱོགས་བཅུ་ནས་བྱུང་བ་དང། གཞིར་བཞུགས་ཀྱི་ཞལ་བཞུགས་མ་ལུས་པས་དགུང་ཞག་སོ་སོ་དང། གསང་ཕུ། ནཱ་ལེནྡྲ། གླང་ཐང། རྒྱ་མ་ཆོས་སྡིངས་སོགས་བསྒྲུབ་འོས་ཀུན་ཏུ་དགོངས་པའི་དབྱིངས་ཡོངས་སུ་རྫོགས་པར་བྱ་བའི་འཕྲུལ་རྒྱ་ཆེན་གནང་ཞིང། གདུང་ཞག་ཁོངས་སུ་བཀྲ་ཤིས་བརྩེགས་པའི་ཆོས་རྗེ་རྡོ་རྗེ་འཆང་དང། ཀུན་མཁྱེན་རོང་པོའི་སྐུ་འདྲ་དང་གྲངས་མཉམ་གྱི་གསེར་སྐུ་འདི་བཞེངས་པའི་ལུགས་གཏོང་དུས། དྲུང་ཆེན་སངས་རྒྱས་སེང་གེས་པཎ་ཆེན་ཉིད་ཀྱི་དབུ་སྐྲ་བུབས་ཅིག་ལུགས་ཁར་བཏབ་པས། ལྷ་བཟོ་བའི་བལ་པོ་ཧ་ལས་བཞིན་དངང་སྐྲག་དང་བཅས་བླུག་པས། འདྲངvc: or: 'drad?ཕྱིས་ཀྱང་འཕུལ་མི་དགོས་པ་འདྲ་བའི་འཇའ་འོད་འཁྱིལ་བ་ཞིག་བྱུང་ཞིང། སྤྲུལ་སྐུ་སྨན་ཐང་པས་སྔར་པཎ་ཆེན་རིན་པོ་ཆེ་རང་གིས་ཕྱག་བཞེངས་གནང་བའི་རྔོག་ལོའི་རྣམ་ཐར་ཞིང་བཀོད། རྗེ་རོང་སྟོན་ལ་བཞེས་གཉེན་དམ་པ་བཅུ་ཕྲག་བཞིས་བསྐོར་བ། ཀུན་མཁྱེན་དོན་ཡོད་དཔལ་བའི་སྐུ་འདྲ་བཀའ་འབྲེལ་ཞུས་པའི་བླ་མ་མ་ལུས་པས་བསྐོར་བ་རྣམས་དང་དྲས་མཉམ་དེ་བྲིས་སོ༎
དེར་དགུང་ཞག་ཀུན་དང་ལྷག་པར་ཚེ་བཅོ་ལྔ་ཡིན་ནོ་ཅོག་ལ་མེ་ཏོག་གི་ཆར་གསལ་བར་བབས་སོ༎
དེར་རྒྱལ་བ་གཉིས་པའི་སྐུའི་སྣང་བ་ནུབ་ནས། སླར་དད་མོས་ཀྱི་མིག་རྐྱེན་ནི་སྔར་དགུང་ལོའི་ཐད་སོ་སོ་རྩོམ་པའི་ཕྲེང་བ་སྤེལ་བ་ལྟར་བཀའི་གླེགས་བམ་འདི་དག་ཉིད་ཡིན་པའི་ཕྱིར། བདག་ཉིད་ཆེན་པོ་སངས་རྒྱས་དངོས་བྱོན་གང་གི་རྗེས་སུ་འབྲང་བའི་ཡི་དམ་མཆིས་ན་ཐམས་ཅད་མཁྱེན་པ་གང་གི་གསུང་