[A:224]dga' gnas dga' ldan zhing der dgongs pa'i tshe//
sgra bsgyur sgra tshad tshul rig lo tsa ba//
yid 'byung yid skyo'i ngang nas rgya gar bzhud//
lha mi'i gtsug rgyan 'jam dbyangs zhing 'pho la//
lha dbang 'chi ltas mthong ltar rab skrag ste//
lha yi btsun pa shA ra dwa ti'i bu//
lha mchog shAkya'i rgyal po'i sngon la thegs//
gangs can skal med rmongs pa spyi brtol can//
smra mkhas mchog gi nyi ma 'das zin gyi//
lha ngan 'ug skad mi srun srin bya'i tshogs//
'bad de rang skad sgrog la gad mo byos//
ston pa'i bstan pa 'dus nad gzer bu can//
'tsho byed sman pa'i rgyal pos ring spangs pa//
bshad bsgrub zung zad srog gi lhag ma khyod//
'gro 'di'i bde skyid dag dang lhan cig gum//
nyi tshe'i thos sbyangs yus dag mkhas pa'i tshogs//
bstan pa'i tshig don dpyod pa'i khur med kyis//
sangs rgyas las lhag blo gros cher rlom des//
smra brjod 'chad rtsod rang dran lhur long shig//
ces paNDi ta chen shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ yongs su mya ngan las 'das pa'i skabs las bsgrags pa'i rab tu byed pa nyi shu rtsa lnga pa'o// //
Chapter 26: phrin las kyi 'khor lo rgyun mi chad pa'i skabs
der thog mar gsang thabs kyis sku rim du ming btags pa'i mang skol bstud mar gnang rjes/ gsang brtol dang rjes 'brel mi dbang chen po sgar pa'i drung yang phebs nas gdung mjal sogs gnang zhing/ sku gdung gi chas 'bul mi kun gyi spyan lam du gsang ba'i gnas ltar mi mngon pa dang/ dbu'i gtsug tor mchog tu 'phags pa sogs gsal bar rtogs shing/ gdung las 'phro ba'i 'od zer gyis mchod pa bshams pa'i mar me'i 'od zil gyis gnon pa/ mkhas pa sangs 'od pa de dus sku gdung drung na byams chos klog sgrogs