[A:218]བྱས་པ་ལ་ཡང་ཚོགས་ཀྱི་ཁ་སྐོང་རེ་དགོས་པ་བྱུང། ད་ལྟ་ཡོས་བཤགས་པ་སོགས་འུར་དིངས་པ་རྣ་བ་འོན་ཡོང་བ་འདྲ་བ་འདི་མཚར་རང་ཆེ། སྔོན་གྱི་དུས་དེར་ནི་དྲུང་ནས་ཆོས་ཀྱི་བཟང་པོ་བ་ལ་ཡང་རྗེས་ཟློས་ལས་བཤགས་ཚིག་ཐུགས་ལ་མི་འདུག་གོ༎ ངེད་རང་གིས་གློ་བོ་ནས་ཡོངས་ལོ་མར་ལམ་དེ་དབྱར་སྒང་ཡིན་པས་དབྱར་མེད་ལ་སོང། གཞན་གཅིག་ཀྱང་ཆག་པ་མེད་དོ༎ གཞི་གསུམ་གྱི་ལག་ལེན་འདི་མི་ལ་ཡོད་ན་སྨོན་རྒྱུ་དང། རང་ལ་ཡོད་ན་ངོམ་རྒྱུ་ཡིན། སངས་རྒྱས་བསྟན་པའི་རྩ་བ་རང་ཡིན་པས་མདོ་སུས་འདོན་ཀྱང་ཡོང། གསོ་སྦྱོང་ལ་ཡོང་བ་མ་ཆག་པའི་ཁུར་ལེན་གལ་ཆེའོ༎ དེ་རིང་གནམ་གང་ཡིན་པས་སློབ་དཔོན་རྣམ་པ་བླ་བྲང་དུ་ཤཱ་ས་ན་ལ་འབྱོན་དགོས་པས། གྲོགས་ལྡན་རེ་མཛོད་ལས་བྱོན་ཅིག་གསུང་ནས་བཞུགས་ཁྲི་ཁ་དེ་ནས། ཀུན་གྱི་ཐོས་པའི་གསུང་གཟེངས་མཐོ་བ་ཐུགས་ལྷག་པ་དགེས་པའི་ངང་ནས་གསོ་སྦྱོང་ལེགས་པར་གྲུབ་རྗེས། པཎ་ཆེན་རིན་པོ་ཆེས་བླ་བྲང་དུ་ཕེབས། སློབ་དཔོན་པ་སོ་སོས་རང་རང་གི་ཆོས་ཁྲིར་བྱོན་ནས་གཏོང་ཆོས་དེ་སྩལ་ནས་ཤཱ་ས་ནའི་བཟླས་པ་ལ་ཞབས་དྲུང་དུ་ཕེབས་པས། སྔགས་ཐུན་གྲོལ་རྗེས་ཐུགས་དམ་འདོགས་འབུལ་མི་ཞིག་བྱུང་བ་ལ། བཟང་སྤྱོད་བྱམས་སྨོན་བཟླས་པ་ལན་དུ་མ་དང། བསྔོ་བ་རྒྱས་པར་གནང། ངེད་རང་ལ་ད་ནང་ཡར་རྒྱབ་དཔོན་ཆེན་པས་ཞྭ་གོས་ཆ་ཚང་ཞིག་ཕུལ་བྱུང་བ་དེ་སང་ཚེས་གཅིག་ནས་གྱོན་ཡོང་ངོ་གསུང་ཞིང། སློབ་དཔོན་ཚོསvc: or: chos?གྲལ་ལས་བཞེངས་ཕྱག་འབུལ་གནང་ནས་ཕྱིར་བྱོན། དེའི་སང་དེ་ཟླ་བ་དྲུག་པའི་ཚེས་གཅིག་ལ་ཡར་རྒྱབ་པས་ཕུལ་བའི་ན་བཟའ་ཡོ་སྐུ་ལ་བཞེས་ནས། བྱ་རྒོད་ཕུང་པོའི་ཆོས་ཁྲི་ཁར་ཕེབས་འཕྲལ་གྲྭ་པ་ཡོ་ལ་གཟིགས་ནས། ངེད་ལ་ལྟད་མོ་ལྟོས་ཤིག། སྦྱིན་བདག་དད་པ་ཅན་གྱི་དགེ་བ་ལ་རྗེས་སུ་ཡི་རང་གྱིས་གསུང། དེར་ཚོགས་པས་གསུང་སྒྲོགས་གནང། པཎ་ཆེན་