[A:216]du rgyu ba bram ze'i bu//
tshu rol bstan pa'i pad tshal legs 'ongs nas//
yang dag rigs pa'i lha lam gsal por gzigs//
sde bdun mdzad pa de la phyag bgyi'o//
gsung/ dbu ma gsung na/
gang gis gnyis med ye shes gsung ba'i tshogs//
zhes sogs gsung/ mngon pa gsung ba yin na/
'jig rten kun la phan phyir thogs med ces bya ba//
zhes sogs gsung/ smar ston rgyam rim pa 'dul ba gsung tsa na gang blo ma'i rjes la/ 'dul ba rgya mtsho'i gting mtha' pha rol brnyes gyur cing// gsung rje don yod dpal ba rje rong chen gang mdzad kyi lad mo rang mdzad kyi snang/ rang re'i 'di gsang phu chos khri'i khar thon pa'i nyin mo kha nas gang thon byas pas 'di byung ba yin/ chos rje gong ma su'i yang sgrigs bcags min gsung ngo//
gnam gang gi nyin yang/ 'dod pa'i phyogs gcig la chags bral byas pa'i byang sems 'phags pa de sprul pa sgrub mi dgos par snying rje dang/ smon lam gyi dbang gis skye ba blangs pas chog pa yin sogs rgyas bshad gnang rjes/ bsam chung rang 'dug go/ bsam pa che dgos/ ting shags dang dril bu sil sil gyi chos dgos zer ba mang po 'dug te/ chos zhus nas dam tshig srung mkhan mi 'dug go gzobs shig/ da rang re rnams gso sbyong la 'gro ba yin gsung slob dpon tsho rang grogs ldan zhig gyis la gaNDi byung ba dang/ gso sbyong la 'dus shog ces bka' stsal nas zhal ras lha khang du phebs/ sku 'dra'i gzhogs g.yas phyogs de sangs rgyas seng ge rang mtho gzhal gyis dang zhes gsung nas/ mtho 'di tsam snang zhus dus/ 'o na bkra shis sgo mangs bzhugs sa yong bar 'dug/ tog de thog la reg pa zhig dgos/ nged rang shi na yang rten bzhengs 'di ka yin pas/ bum pa de rnamsnams kyang chung na mi nyan/ dbang 'dus na sreg