[A:219]རིན་པོ་ཆེའི་སྐུ་བསྲངས་ནས་སིམ་མེ་བཞུགས་པ་གནང་འདུག་པ་ལ་དྲུང་ནས་རྡོར་རྒྱལ་བས་གཟིགས་ཏེ། དེར་འཁྲིས་ན་ཡོད་པ་ཀུན་ལ། ཡའི་པཎ་ཆེན་རིན་པོ་ཆེའི་སྐུའི་གཟི་འོད་ལ་ལྟོས་དང། ཞལ་གྱི་སྒོ་ཐམས་ཅད་ནས་འོད་ཟེར་འཕྲོ་བ་རང་སྣང་ངོ་ཟེར། ཁོང་ཆོས་ཀྱང་གཞིག་མལ་བཅུག་པས་དེ་བཞིན་དུ་འདུག་ཅིང། ཡང་དྲུང་ནས་རྡོར་རྒྱལ་བའི་གསུང་གིས་ངེད་ལ་གསོལ་དཔོན་བློ་གྲོས་སེང་གེ་བ་ཟེར་ཙ་ན། ད་ལོ་བན་རྒན་སྐུ་གཟུགས་ལྷག་པར་བཟང། བག་ཚ་ཡང་མཆོདvc: or: mchong?ཐུབ་ཟེར་བས་བློ་བདེ་གསུང་བའི་གསུང་སྒྲོས་མཛད་ཅེས་མངའ་རིས་པ་གཡུ་རྩེ་རབ་འབྱམས་པའི་ངག་ལས་ཐོས་སོ༎
དེར་ཀློག་སྒྲོགས་གྲོལ་རྗེས་གང་བློ་མ་གནང་ནས། ཁ་སང་གནང་བའི་འཕྲོ་སྤྲུལ་པ་བསྒྲུབ་པའི་ཚུལ་དང། དེས་གཞན་དོན་སྙིང་རྗེ་དང་སྨོན་ལམ་གྱི་སྒོ་ནས་འབད་མེད་བསྒྲུབ་ཚུལ་འབུས་ཙམ་ཁ་སང་གི་འཕྲོར་གསུངས་ནས། དིང་སང་གི་མཚན་ཉིད་པ་འདི་ཀུན་ཐོས་རྒྱ་རང་ཆུང། སློབ་དཔོན་ངན་ངན་རེའི་སར་གྲྭ་པ་ངན་ངན་རེ་བསྟེན་པའི་གང་གི་ཡང་ཧ་མ་གོ་བ་སྣང་བས། རང་རེས་ནི་ས་འདིར་བསྟན་པ་མཁའ་ཁྱབ་རིག་གནས་ཀྱིས་བརྒྱན་པ་བཤད་ཡོད་དོ༎
སྔོན་ངེད་རང་གི་པོ་ཏི་རེ་རེ་སློབ་ཕྱིར་ཡང་གྲྭ་ས་རེ་བཤགས་དགོས་པ་བྱུང། དིང་སང་ཀུན་ས་གཅིག་ཏུ་བསླབས་ཆོག་པ་ལ་དགའ་བ་སྒོམས་ཤིག། ཁོང་ལ་ལ་དག་ནི་དི་རིང་གི་ཆོས་ར་རིགས་ལུང་མི་ཡོང་ལྔ་མཆོད་ཡིན་པས་ཟེར། བླ་མའི་མཆོད་པ་ལ་ཇ་ཕོར་རེ་བཏུངས། དེས་ཟི་བེར་སོང་དུས་ཞི་གདོང་མ་ལ་ས་གསུམ་མའི་དབྱངས་རྟ་རེ་བཅུག་པ་ལ་ཟལ་ངོམས་བྱེད་པར་འདུག་ཀྱང། དེ་ཀུན་མཚན་མའི་རྣམ་པར་གཡེང་བ་ཡིན། བླ་མའི་དུས་མཆོད་དེ་བཤད་ཉན་རང་གིས་འཛིན་དགོས། རྣམ་པ་ཐམས་ཅད་དུ་ཆོས་ཡོངས་སུ་བརྟགས་པས་སངས་རྒྱས་མཉེས་པ་དང། ཟེར་བ་འདི་མ་བརྗེད་པར་གྱིས། རིན་པོ་ཆེ་གཡག་