[A:203]བྱས་བློ་བུར་དུ་གཤེགས་ནས། ཆིབས་སླར་ལོག། ཚུལ་ཕུལ་བས་ཐུགས་ཁྲལ་ཆེར་གནང་ཞིང། ཚོགས་སུ་མང་སྐོལ་དང་བསྔོ་བ་རྒྱས་པར་གནང་ཞེས་ཐོས་སོ༎
དེ་མཚམས་དབྱར་ཆོས་རྒྱལ་ལྷུན་པོ་ནས་རྒྱལ་བའི་དབང་པོ་ཀརྨ་པས་བཀའ་ཤོག་གནང། དེར་ཉི་མ་དབུས་གཙང་གི་ཕྱོགས་ལ་རྟ་ཁ་བསྒྱུར་ཡོད་པ་ཡིན་པས། བསྟན་པ་ལ་ཕན་པའི་གྲོས་འདྲི་འདྲ་སྣང་བ་ལ་དབུས་ཕྱོགས་སུ་མྱུར་བར་འབྱོན་པ་དང། དབུ་ཚད་ཀྱི་ཆོས་འབྱུང་དེ་རྩོམ་ལ་བསྐུར་མཛོད་གསུང་བའི་བཀའ་ལུང་ཕེབས་དོན་ལ། དབུས་ལ་ལན་རྗེས་མ་དཔོན་སློབ་ཉུང་བསྡུས་རང་ཕེབས་པའི་སྐབས། ཆོས་འཁོར་ལྷ་སར་རྒྱལ་དབང་ཀརྨ་པ་དང་མཇལ་ནས། ལུགས་གཉིས་ཀའི་ངེས་གསང་དཔག་མེད་གནང་རྗེས། གླང་ཐང་དང་རྒྱ་མ་རྣམས་སུ་ཡུལ་ཙམ་ཞབས་ཀྱིས་བཅགས། སྐལ་ལྡན་རྣམས་ལ་དབང་དང་བྱིན་རླབས་སྒོ་དུ་མས་རྒྱུད་སྨིན་ཅིང་གྲོལ་བར་མཛད། ལྷག་པར་དགའ་མོ་ཆོས་མཛད་པས་སྔ་རེས་ཕེབས་སྐབས་ལམ་ཟབ་གསག་སྦྱངས་ཞུས་ནས་ནམ་མཇལ་མཎྜལ་འབུལ་བ་མ་ཆག་པའི་གདུང་ཤུགས་འབུལ་བ་གནང་བ་ལ། དེ་རེས་ལམ་ཟབ་མོ་བླ་མའི་རྣལ་འབྱོར་གྱི་བྱིན་རླབས་གླང་རི་ཐང་གི་གཟིམས་ཁང་གསར་པ་དགེ་འཕེལ་དུ་སྩལ་བས་གྲོ་ཡུན་ཅིག་ཡང་དག་པའི་ཏིང་ངེ་འཛིན་བཟང་པོ་ལ་འབྱམས་ཤིང། པཎ་ཆེན་རིན་པོ་ཆེའི་བཀའ་ལས་ཀྱང།
འོ་ཟབ་མོའི་ལམ་གྱིས་བྱིན་གྱིས་བརླབས་པའི་ཚེ༎
རྗེ་བཙུན་བླ་མ་འཇམ་པའི་དབྱངས་སུ་གཟིགས༎
སྐད་ཅིག་གཅིག་ལ་ཆོས་རྣམས་ཐུགས་སུ་ཆུད༎
ཐུགས་གྲོལ་ཁྱོད་ལ་སྤྱི་བོས་ཕྱག་འཚལ་ལོ༎
ཟེར་བའི་དཔེ་དེ་དེ་རིང་གི་འདི་རེད་དོ་ཞེས། དྲིན་ཅན་སྤྱང་ལུང་པ་དངོས་ཀྱིས་གསན་ནས་བདག་ལ་བཀའ་ལུང་དུ་གནང་ངོ༎
དེ་རྗེས་ཆོས་རྗེ་སྟོང་རབ་ཤཱཀྱ་བཟང་པོ་བས་གསོལ་འདེབས་སུ་གནང་ནས། དྲིན་ཅན་སྤྱང་ལུང་པའི་དྲུང་སོགས་དབང་ཆ་གཅིག་ལ་ཀྱེ་རྡོ་རྗེ་