[A:201]mkhan po yang dag rdzogs sangs rgyas//
de nas phyogs kyi glang po yis//
don de 'jam dpal dbyangs la gsan//
phyogs glang gzhung brling rtogs dka' ba//
gsal bar 'chad mkhas grags pa'i mtshan//
gzhung rtsom gzhan la ma grags pa//
rngog los gsal bar bshad ces gsung//
bod kyi rgan po'i lugs dor ba//
sa skya'i 'jigs med dpa' bos bshad//
sngon mas gsal bar ma bris shing//
phyis 'byung gtam gyis ma sbags par//
rtog ge'i mtsho nas brda chad kyi//
snying po bsdus pa'i dpag bsam 'di//
gang gi rnam dpyod skyed tshal du//
dge bar gshin zhing shis gyur pa//
rje btsun blo gros rgyal mtshan dpal//
bzang po'i bka' dang de nyid kyi//
'byor pa'i bang mdzod nas byon pa'i//
zhes sngon dang da lta'i gnas ma lus pa'i gnas don bde blag tu rtogs par byed pa sha stag 'byung ngo//
gzhan phyogs glang chos grags kyi rtogs brjod/ gzhi gsum cho ga/ bya pas gser thur la dris pa'i lan 'debs sogs gsung rtsom phra mo'i par kyang mang du spel lo//
dngos bstan bstan bcos su ma 'khod par gzhung tshig rang gi stengs su bka' stsal gyi bshad pas gtan la phab pa'i tshul rnam thar gnyis su zur tsam yang ma smos 'dug la/ rnam thar ma ti mar grangs su btab pa ni 'di ltar/ 'phags pa brgyad stong pa slob dpon seng ge bzang po'i brgyad stong 'grel chen dang bcas pa/ sdud pa/ 'dul ba me tog phreng rgyud rje rong ston chen po'i TIka'i stengs dang/ yang de nyid kyis mdzad pa'i dbu ma'i stong thun/ bslab spyod gnyis/ dpa' bo'i skye rabs/ theg bsdus/ mdo sde rgyan/ rgyud bla ma/ dbus mtha' rnam 'byed rnams kyi 'grel pa/ dbu ma tshig gsal/ ye shes snying