[A:204]རྒྱུ་ལམ། ལམ་ཟབ་བིར་སྲུངས། ནཱ་རོ་མཁའ་སྤྱོད་མའི་བྱིན་རླབས་སྩལ་རྗེས། རྒྱ་མ་དགེ་སློང་མའི་དྲུང་གིས་ཞུས་ནས་སྙིང་པོ་དོན་གསུམ་གྱི་ཁྲིད་གནང་ཞིང། འཕོ་བའི་སྐབས་སྟོད་ར་བ་ལ་དངོས་སུ་འཕོ་བ་འཐེབས་ཙམ་གྱིས་བརྒྱལ་ཐབས་སུ་གནས་པ་ལ། དྲུང་ཡིག་ཆོས་རྒྱན་པས་དབུ་གཙུགས་ནས་བརྡུང་བ་གནང་ཞིང། སྙན་ལ་ཞལ་གཏད་དེ་འབོད་པ་གནང་བས་ཇི་ཞིག་ནས་ཐུགས་དྲན་རྙེད་བྱུང་ཞེས་དངོས་སུ་གཟིགས་པའི་གསུང་སྒྲོས་དྲིན་ཅན་སྤྱང་ལུང་པའི་ཞལ་ལས་ཐོས་སོ༎ འདི་དབུས་ཕྱོགས་སུ་བཀའ་ཆོས་གནང་བའི་རྗེས་མར་སྣང་ངོ༎
དེར་དྲོ་སའི་ལ་རྩེ་བར་སྐྱེལ་ཐུང་ལ་ཞལ་སློབ་དྲག་པ་ཡོས་ཕེབས་ཤིང། དེར་དགའ་མོ་ཆོས་མཛད་པས་བདག་ཉིན་རེ་བཞིན་ཇ་འཐུང་བ་ལ་ཇ་མཆོད་བདག་རང་གི་བླ་མ་རྣམ་གསུམ་གྱི་མཚན་ཐོན་པ་ཞིག་ཞུ་ཞེས་གསོལ་བ་བཏབ་པས། ད་ལྟའི་ཇ་མཆོད་རྣམ་ཤེས་མ་འདི་དེ་ཕྲལ་ཇ་གྲལ་དེར་དྲུང་ཡིག་ཆོས་རྒྱན་པ་ལ་ཞལ་སྦྲོར་གནང་ཞིང། ཐོག་མ་ལ་ངག་དབང་གྲགས་པའི་ཞལ་དུ། དེ་ནས་པཎ་ཆེན་མཁས་པའི་ཞལ་དུ། དེ་ནས་ཐར་པའི་རྒྱལ་མཚན་ཞལ་དུ་གསུང་བ་ཡོད། དྲིན་ཅན་སྤྱང་ལུང་པས་གསན་པའི་བཀའི་བདུད་རྩིའི་མཐའ་ཡང་འདི་ཉིད་ཡིན་ནོ༎ ཞེས་བྱ་མཆོད་མཛད་རེས་ཀྱིས་གསུང་ངོ༎
ཡར་ལམ་དབྱར་གྱི་ཆུ་མགོ་རྒྱས་པའི་དུས་ཀྱི་ཆུ་ལུད་པ་ཞིག་དང་ཐུག་སྟེ། ཁལ་གྱིས་ལམ་མ་བགྲོད་པར་མཚོམས་སྐབས། པཎ་ཆེན་རིན་པོ་ཆེའི་ཞབས་དྲུང་ཕེབས། དེར་རམ་པ་སོགས་ཀྱི་ལ་བསྐོར་བ་མིན་པ་མི་ཐར་ངེས་པའི་ཚུལ་ཕུལ་བས། ཨའུ་རྩི་འདེངས་གསུང་ནས་ཕེབས་མ་ཁད་རང་ཆུ་ཐོག་སོ་གསུམ་རེ་བློ་བུར་དུ་བྲི་ནས་སྒལ་ཚས་ཀྱི་སྣེ་ཙམ་ཡང་མ་བངས་པར་འཕྲང་ལ་ཕེབས་སྐབས་འཕྲལ། སྔར་ལྟར་ཆུ་སྔར་ཤུལ་དུ་འཕེལ་བའི་གྲུབ་རྟགས་གནང། དེར་གསེར་མདོག་ཅན་དུ་དབྱར་གནས་མཛད་ཅིང། མཚན་བརྗོད་ཀྱི་ཊཱི་ཀའི་བཤད་