[A:439]ཐམས་ཅད་ནས་མཉེས་པར་བྱེད་ཅིང། ཐུན་བཞིའི་རྣལ་འབྱོར་མཆོག་ལས་མི་གཡེལ་བ་དང། ཐུན་མཚམས་ཀུན་དུ་དམ་པའི་ཆོས་བཤད་པ་ལ་སྤྲོ་ཞིང་ཆོས་སྤྱོད་ཀྱི་རིམ་པ་དང། ཟབ་མོའི་བཟླས་བརྗོད་ལ་འགྲུས་པ་མི་ལྷོད་པ་དང། དམན་པའི་ས་གཉིས་ལས་རིང་དུ་གོལ་བའི་དབེན་པར་སྤྲོ་ཞིང། བསྡུ་བའི་དངོས་པོ་བཞིའི་མཛད་པ་དང་མ་བྲལ་བ་ཉིད་དང། རང་གང་ལ་གནས་པའི་དམ་ཚིག་དང་སྡོམ་པའི་ཚོགས་ཀྱིས་གདུལ་བྱ་གཞན་རྗེས་སུ་འཛིན་པ་ལ་སྐྱོ་བ་སྤེངས་པའི་ཕྲིན་ལས་ཡོད་པ་ཞེས་བྱ་བ་འདི་དག་ནི། རྒྱལ་སྲས་ཆེན་པོར་མཚོན་པའི་ཆོས་ཐ་མར་དགེ་བ་སྟེ། འདི་དག་གང་ལ་མཆིས་པའི་སེམས་ཅན་ཆེན་པོ་དེ་ཐམས་ཅད་ནི་རྒྱལ་བ་སྲས་དང་བཅས་པའི་གདུང་འཚོབ་པ་ཉིད་དུ་ངེས་ལ། དེ་ཐམས་ཅད་ཀྱང་རྗེ་བཙུན་དམ་པ་འདི་ཉིད་ལ་མངའ་བ་ཡིན་ནོ་ཞེས་རང་གི་མྱོང་བས་མངོན་སུམ་དུ་གྲུབ་པའི་ཤེས་རབ་ཀྱིས་རྣམ་པར་བརྟགས་ཤིང། ཡིད་ཆེས་པའི་གནས་སུ་འདྲེས་པར་བྱས་ནས། ཕྱིས་འབྱུང་གི་བརྒྱུད་འཛིན་དག་ལ་བླ་མ་ཚད་མར་བྱ་བའི་གཏམ་ཉིད་དུ་བྱས་པ་ཡིན་ནོ༎
དེ་ལྟར་བསྟན་པ་རིན་པོ་ཆེའི་བགྱི་བ་དང། འགྲོ་བ་མང་པོ་ཕན་པ་དང་དགེ་ལེགས་སུ་བྱ་བའི་མཛད་པ་དག་མཐར་ཕྱིན་པར་མཛད་ནས། རང་ལོ་ང་བདུན་པ་ས་ཕོ་སྤྲེའུའི་ལོ། ཧོར་ཟླ་བཅུ་པའི་ཡར་ཚེས་གཅིག་ལ། སྔོན་གླང་རི་ཐང་པ་ཆེན་པོས་ཐོག་མར་བྱང་ཆུབ་ཀྱི་སེམས་ཡུན་རིང་དུ་སྦྱངས་པའི་གནས་རི་སྐྱེས་དམར་པོའི་སྟེངས་དེར། དུས་ཕྱིས་དགོངས་པ་སྔོན་གཏང་གི་དབེན་གནས་དགེ་འཕེལ་གྱི་མཚན་ཅན་གྲུབ་པ་དེར་ཕེབས་ནས། ཞག་ཤས་བསྙུང་བའི་ཚལ་བསྟན། ཡར་ངོའི་ཚེས་བཅུ། དཔའ་བོ་དང་རྣལ་འབྱོར་མའི་ཚོགས་རང་གི་ངང་གིས་འདུ་བའི་ཁྱད་པར་ཅན་གྱི་ཉི་ཤར་ལ། ལམ་ཟབ་བླ་མའི་རྣལ་འབྱོར་གྱི་ངང་གིས་བདེ་བ་ཅན་དུ་གཤེགས་སོ༎
རྒྱལ་བའི་