[A:368]ཅེས་ཞུས་པས། ལོ་ཀེ་ཤྭ་ར་དང་གྲོགས་པོ་བྱས། བྱམས་པ་མགོན་པོ་ལ་བགྲོ་གླེང་བཏང། ཞེས་གསུངས་པས་ས་བཅུ་པར་ཞལ་གྱིས་བཞེས་པ་ཡིན་ནོ༎
དེ་ལྟར་གྲུབ་པ་བརྙེས་པའི་སྐྱེས་བུ་ཆེན་པོ་དེས། བོད་དུ་ལན་གསུམ་བྱོན་པའི་ཚེ། མཁས་པ་པཎྜི་ཏའི་ཚུལ་མ་བཟུང་བར་གྲུབ་པ་བརྙེས་པའི་རྣལ་འབྱོར་གྱི་དབང་ཕྱུག་ཆེན་པོའི་ཚུལ་བཟུང་ནས། དམ་པའི་ཆོས་ནི་སྡུག་བསྔལ་རབ་ཏུ་ཞི་བར་བྱེད་ཞེས་བྱ་བ། ཞེས་ཡོངས་སུ་གྲགས་པ་ཡུམ་ཤེས་རབ་ཀྱི་ཕ་རོལ་དུ་ཕྱིན་པའི་ལྟ་སྒོམ་སྤྱོད་འབྲས་ཀྱི་རྣམ་བཞག་རྒྱས་པར་གསུངས་སོ༎
2.3
དྲང་དོན་དུ་དགེ་བའི་བཤེས་གཉེན་དུ་ཚུལ་བཟུང་ནས་སྤྲུལ་པས་འགྲོ་དོན་ཕྱོགས་མེད་དུ་མཛད་པའི་ཚུལ།
གསུམ་པ་ནི། 2.3.1
བདག་ཉིད་ཆེན་པོ་འདི་ཀཱ་མ་ལ་ཤཱི་ལའི་སྐྱེ་བ་ཇི་ལྟར་ཡིན་པའི་ཚུལ། 2.3.2
རྗེ་བཙུན་དམ་པ་རྒྱ་གར་གྱི་ཐུགས་ཀྱི་སྤྲུལ་པ་ཇི་ལྟར་ཡིན་པའི་ཚུལ་ལོ༎
2.3.1
བདག་ཉིད་ཆེན་པོ་འདི་ཀཱ་མ་ལ་ཤཱི་ལའི་སྐྱེ་བ་ཇི་ལྟར་ཡིན་པའི་ཚུལ།
དང་པོ་ནི། རྗེ་བཙུན་འདིས། བསམ་ཡས་སུ་ཀཱ་མ་ལ་ཤཱི་ལའི་ཆོས་ཁྲི་མཇལ་དུ་བྱོན་པ་ན། སྔོན་ཆོས་ཁྲིའི་སྟེང་དུ་ཆོས་གསུངས་པ་སྙམ་བྱེད། དབུ་མ་སྣང་བ་དང། སྒོམ་རིམ་ཐོག་མཐའ་བར་གསུམ་གྱི་གཞུང་གཟིགས་པ་ཙམ་གྱིས་ཐུགས་ལ་ཆུད། སྣང་བ་ནས་འབྱུང་བའི་སློབ་དཔོན་ཟླ་བ་གྲགས་པ་འགོག་པའི་རིགས་པ་དེ་འཐད་པར་གཟིགས་ནས། ཟླ་བ་ལ་འགོག་པ་ལྟར་མཛད་པའི་རིགས་པ་མང་དུ་གསུང། བདག་ཉིད་ཆེན་པོ་འདིས་མཛད་པའི་གསུང་རབ་རྣམས་ཀྱི་ནང་ནས། སྒོམ་རིམ་གྱི་ཊཱི་ཀ་གསུམ་པོ་དེ་ཁྱད་པར་དུ་འཕགས་ཤིང་རྣམ་པ་གསལ། བྱང་ཆུབ་སེམས་དཔའ་ཞི་བའི་ཚོ་ནི་མཁན་པོ་རྣམ་སྣང་མཛད་བཟང་པོ་དང་དོན་གཅིག་ཡིན་ནོ་ཅེས་གསུང་ཞིང་ཐུགས་ཤིན་དུ་དད། ཡང་བདག་ཉིད་ཆེན་པོ་འདིས་སྣར་ཐང་དུ་བཅོམ་ལྡན་རལ་གྲིའི་ཆོས་ཁྲི་ལ་མཇལ་དུ་བྱོན་པ་ན། ཆོས་ཁྲིའི་སྟེང་ནས་སྔར་རྗེ་ཉིད་ཀྱིས་ཆོས་གསུང་མྱོང་བ་དང།