[A:366]གང་གསུངས་བདུད་རྩིས་བཅུ་གསུམ་ལོར་འཚོ་བ༎
མཆོག་ལྡན་དད་པའི་རྒྱ་མཚོར་ཚུལ་འདི་ཤར༎
མངྒ་ལཾ༎
བྷ་ཝནྟུ༎ ༎
2
ཐུན་མོང་མ་ཡིན་པ་གསང་བའི་རྣམ་པར་ཐར་པའོ༎
རྗེ་བཙུན་ཐམས་ཅད་མཁྱེན་པ་ཉིད་ཀྱི་ཞབས་ལ་གུས་པས་ཕྱག་འཚལ་ལོ༎
དོན་གཉིས་པ་གསང་བའི་རྣམ་པར་ཐར་པ་ལ། 2.1
ངེས་པའི་དོན་དུ་སངས་རྒྱས་པའི་ཚུལ། 2.2
གནས་སྐབས་མཁས་གྲུབ་ཀྱི་ཚུལ་བཟུང་ནས་བསྟན་པ་ལ་བྱ་བ་མཛད་པའི་ཚུལ། 2.3
དྲང་དོན་དུ་དགེ་བའི་བཤེས་གཉེན་དུ་ཚུལ་བཟུང་ནས་སྤྲུལ་པས་འགྲོ་དོན་ཕྱོགས་མེད་དུ་མཛད་པའི་ཚུལ་ལོ༎
2.1
ངེས་པའི་དོན་དུ་སངས་རྒྱས་པའི་ཚུལ།
དང་པོ་ནི། རྗེ་བཙུན་དམ་པ་རྒྱ་གར་ནི་མ་བྱོན་པའི་སངས་རྒྱས་གཉིས་པ་སེང་གེའི་སྒྲ་ཞེས་ཡོངས་སུ་གྲགས་པ་དེ་ཉིད་ཡིན་པར་དེ་ཉིད་ཀྱི་རྣམ་པར་ཐར་པ་ལས་འབྱུང་ཞིང། དགའ་ལྡན་གྱི་གནས་ན་སྐྱེ་བ་གཅིག་གི་ཐོགས་པའི་བྱང་ཆུབ་སེམས་དཔའི་ཚུལ་བཟུང་ནས། རྗེ་བཙུན་མ་ཕམ་པའི་རྒྱལ་ཚབ་ཏུ་དབང་བསྐུར་བར་འགྱུར་རོ་ཞེས་ཀྱང་འབྱུང་ངོ༎
རྗེ་དུས་གསུམ་མཁྱེན་པ་ལས་ཡང་ལུང་བསྟན་དེ་ལྟར་འབྱུང་མོད། དེ་གཉིས་ཐུགས་རྒྱུད་གཅིག་པ་ལ་འགལ་བ་མེད་དོ༎
ཁོ་བོ་ཅག་གི་རྗེ་བཙུན་དམ་པ་འདི་ཉིད་ཀྱང་རྗེ་དུས་གསུམ་མཁྱེན་པའི་ཐུགས་ཀྱི་སྤྲུལ་པ་ཡིན་པར་གྲགས་སོ༎
2.2
གནས་སྐབས་མཁས་གྲུབ་ཀྱི་ཚུལ་བཟུང་ནས་བསྟན་པ་ལ་བྱ་བ་མཛད་པའི་ཚུལ།
གཉིས་པ་ལ། 2.2.1
མཁས་པའི་གོ་འཕང་བརྙེས་པའི་ཚུལ་དང། 2.2.2
གྲུབ་པའི་ས་བརྙེས་པའི་ཚུལ་ལོ༎
2.2.1
མཁས་པའི་གོ་འཕང་བརྙེས་པའི་ཚུལ།
དང་པོ་ནི། རྗེ་བཙུན་དམ་པ་རྒྱ་གར་གྱི་འཛམ་བུའི་གླིང་འདིར་མིའི་སྐྱེ་བ་བདུན་བར་མ་ཆད་པར་བཞེས་པའི་ཐ་མ་ལ། བྲམ་ཟེའི་རིགས་ཤིག་ཏུ་འཁྲུངས་ཏེ། དེའི་མིང་ལ་སྨྲ་བའི་སེང་གེ་དང། མི་ཕམ་མགོན་པོ་དང། ལས་ཀྱི་རྡོ་རྗེ་ཅེས་བྱ་བ་གསུམ་བཏགས་སོ༎
དེ་དུས་རེ་ཞིག་གི་ཚེ་ཤྲཱི་ནཱ་ལེནྚཱའི་གཙུག་ལག་ཁང་ཆེན་པོ་བྷི་ཀཱ་མ་ལ་ཤཱི་ལ་ཞེས་ཡོངས་སུ་གྲགས་པ་དེར། དྷརྨ་ཤཱི་ལ་དང།