[A:361]གནང་གི་ན་ཆག་ཕྱི་པ་མེད་པར་བྱོན། ཁྱི་ཟན་དེ་ཟད་པ་དང། ཕྱག་འཁར་ལ་མདུང་བསྒོར་གྱི་རྣམ་པ་མཛད་ཀྱིན་བྱོན་ནས་བཞུགས་སྟན་ལ་བཞུགས་མ་ཐག་ཏུ།
བླ་མ་དམ་པས་བྱང་ཆུབ་བརྙེས་པ་ན༎
སློབ་མའི་ཚོགས་ལ་ཡེ་ཤེས་གཟིགས་པ་འཇུག༎
ཆོས་འབྲེལ་བྱས་པ་དོན་མེད་མི་འགྱུར་བས༎
ཆོས་ཐོབ་པ་ལ་དགའ་བ་སྒོ་མས་ཅིག་ཨང༎
ཞེས་ལན་གཅིག་གསུངས་ནས། གང་བློ་འདོན་པར་མཛད་དོ༎
དེ་ནས་གསུང་ཆོས་ནི་རྟེན་གྱི་བསེ་རུ་ལྟ་བུའི་ལམ༎ ཅེས་པའི་མདོ་ཚན་པ་གཉིས་ལ་བཤད་པ་རྒྱས་པ་མཛད། ལྷ་རྣམས་ཀྱིས་མངོན་པར་གཏོར་བའི་མེ་ཏོག་འདི་དག་ནི། བདག་གིས་སྔོན་ཆད་སུམ་ཅུ་རྩ་གསུམ་པའི་གནས་ན་ཡང་ཡོད་པར་མ་མཐོང་སྟེ། འདི་དག་ནི་སྤྲུལ་པའོ་ཞེས་གསུངས། འདེའི་ལྷག་མ་སང་ཉིན་ཉི་མ་དྲོན་པོ་བྱུང་ན་འཆད་དོ་ཞེས་གསུངས། ཐེག་པ་ཆེན་པོ་རྒྱུད་བླ་མའི་ཆོས་ནི།
དེ་ལྟར་ནམ་མཁའི་མཐའ་ཀླས་ཀྱི༎
འགྲོ་ལ་རྟག་ཏུ་ལྷུན་གྲུབ་པར༎
ཐོགས་མེད་བློ་ལྡན་དེ་ཡིས་ནི༎
སེམས་ཅན་དོན་ནི་ཡང་དག་འཇུག༎
ཅེས་སོགས་ཤོ་ལོ་ཀ་གསུམ་གསུངས། དེ་ནས་དར་ཅིག་སྤྱན་ནམ་མཁའ་ལ་གཟིགས་ནས་ཧྲིག་གེ་བ་མཛད། དེ་ནས་སྐྱིལ་མོ་ཀྲུང་མཛད་བཞིན་པའི་ངང་ལ། ཕྱག་འཁར་ས་ལ་གཙུགས་ཕྱག་གཉིས་ཀས་ཕྱག་འཁར་ལ་འཇུས་ནས། འོ་བསྟན་པ་ལ་བསམ་པའི་བཤད་ཉན་དགོས་པ་ཡིན། རང་རེའི་དགོན་པ་འདིར་ཡང་ཉིན་མོ་མདོ་དང། བསྟན་བཅོས་ཆེན་པོ་རྣམས་ལ་ཉན་བཤད་མཛད་དགོས། ཁྱོད་ཁྱོད་རང་རང། ཁྱོད་མ་ཡིན་ཁྱོད་ཅེས་མ་ཟེར། མཚན་མོ་ལུང་དང་རིགས་པའི་རྣམ་གཞག་འུར་ཆིལ་ལེ་བ་གྱིས། རྔ་མ་བརྡུང། དུང་མ་འབུད། གྲོང་མ་འགྲིམ། ཁོ་བོས་ལོ་བརྒྱད་ཅུ་རྩ་གསུམ་ལོན་ལོན་གྱི་བར་