[A:362]དུ་འཆད་ཉན་བྱས་པ་ཡིན་ཅེས་གསུང་ངོ༎
དེའི་ཕྱི་ཉིན་ཚེས་བཅུ་གསུམ་ལ་ནམ་མཁའ་ཤིན་དུ་གྲང་བར་བྱུང་བས་ཆོས་ཁྲིར་མ་ཕེབས། སློབ་དཔོན་འཆད་ཉན་པ་ཐམས་ཅད་སྐུ་མདུན་དུ་གསོལ་ཇ་ལ་སྤྱན་དྲངས། ཀུ་རེ་དང་བཞད་གང་མང་དུ་མཛད། ཁོ་བོ་ཤི་ན་པགས་པ་དང་ཆུ་སེར་ཡང་རིང་བསྲེལ་དུ་འགྲོ་ཞེས་གསུངས། དེ་ནས་དགོངས་མོ་ཐུགས་དམ་གྱི་རིམ་པ་དང། གཏོར་མའི་རིམ་པ་རྣམས་མཛད་ཟིན། ཉེ་གནས་རྣམས་སོ་སོ་ཐ་དད་དུ་ཉལ་བ་ལ་འགྲོ་བའི་ཚེ། དགེ་བཤེས་བསོད་བློས་ན་བཟའ་རྣམས་མི་འཆུག་པར་སྐུ་ལ་གསོལ། དབུ་ཞྭ་སྒྲོན་པས། གཏོར་མ་ཤོམས་གསུང་གིན་འདུག། གཏོར་མ་ལན་གཅིག་ནི་བཤམས་ཟིན་ཟེར་བ་ཞུས་ནས། གཟིམ་མལ་ལ་སྐོར་བའི་ཡོལ་བ་དེ་འཐན་ནས་འགྲོ་གྲབས་བྱས་པས། ཁོ་དེ་ཚོ། ཨ་ལ་ལ་ཞེས་ལན་གསུམ་གསུང་གིན་འདུག། ཅི་ལགས་ཅེས་ཞུས་པས། ཁྱོད་ཚོ་སོ་སོར་མ་འགྲོ། ཇ་བསྐོལ། སློབ་དཔོན་སྤྱན་དྲོངས་མཁན་ཆེན་པ་ཡང་བྱོན་འདུག། གཞན་ཡང་མང་པོ་འོང་གིན་འདུག་གསུང། ད་ནམ་འཕྱི་འདི་འདྲ་ལ་ཅི་གསུང་བ་ཡིན་ཅ་ལེ་ཅོ་ལོ་མ་གསུང་བར། གཟིམ་མལ་དུ་ཅ་རེ་བཞུགས་ནས་ཐུགས་དམ་མཛད་པར་ཞུ། ཟེར་བ་ཞུས་ནས་ཉེ་གནས་པའི་སར་ཕྱིན། དོ་དགོངས་ཅ་ལེ་ཅོ་ལེ་མང་གིན་འདུག་པས། སྐུ་མདུན་དེར་བྱོན་ནས་བལྟ་རྟོག་འདྲ་བྱས་ན་དྲག་པ་འདྲ་ཟེར་བ་བྱས་སོ༎
དེ་ནས་ཐོ་རངས་ཀྱི་དུས་སུ་ཉེ་གནས་ཀྱི་སྐུ་མདུན་དུ་བྱོན་པས། སྔར་ལུགས་བཞིན་སྐུ་སྟོད་ཐམས་ཅད་རྗེན་པར་བཏོན་ནས། ཐུགས་དམ་མཛད་ཀྱིན་འདུག། དེ་ནས་རིང་པོར་མ་ལོན་པར་དེ་ཉིད་དུ་དགའ་ལྡན་གྱི་གནས་སུ་བདེ་བར་གཤེགས་སོ༎
དེ་དག་ལ་འདི་སྐད་ཅེས།
ཀྱེ་མ་ཀྱེ་ཧུད་ས་