[A:354]འབྲི་སྟོན་པ་ཤེས་རབ་རྡོ་རྗེ་རབ་སྒང་ནས་མཇལ་བ་ལ་ཕེབས། ལུང་བསྟན་ཞུས་པས། རྒྱུ་སྡེའི་གནད་ཕྱིནཔྱིན་ཅི་མ་ལོག་པར་ཤེས་ནས། ལག་ལེན་འཁྲུལ་མེད་དུ་བྱེད་པ་བླ་མ་བཟངས་ཡིན་པས། དེར་ཐང་གཅིག་བྱོན། དེ་ནས་མགྱོགས་པར་རབ་སྒང་ལ་བྱོན། དབུས་གཙང་དུ་ཡུན་རིང་ན་བར་ཆད་ཅུང་ཟད་ཙམ་བྱུང་ཉེན་ཡོད། ཁྱེད་རང་གི་དགོན་པ་དེར་མཁན་ཆེན་པ་དང། ངེད་དཔོན་སློབ་ཀྱི་སྐུ་འདྲ་ཚད་དང་མཉམ་པ་རེ་བཞེངས་དེས་བྱིན་རླབས་མྱུར་དུ་འཇུག་པ་ཡིན་ཅེས་གསུང་ངོ༎
ཇི་སྐད་གསུང་བ་ཐམས་ཅད་ཐོག་ཏུ་ཁེལ་བ་བྱུང་ཞེས་གསུང་ངོ༎
ཡང་ལྷ་འབྲི་སྟོན་པ། གོ་བོ་རབ་འབྱམས་པ། ཀུན་མཁྱེན་དགའ་བ་གདོང་པ་དང་གསུམ་ལ། བྱ་བ་དང་བྱ་བ་མ་ཡིན་པའི་རྣམ་དབྱེ་ཐམས་ཅད་རྗེ་ཉིད་ལ་གསོལ་བ་བཏབ་ན། རྨི་ལམ་དུ་ལུང་སྟོན་གྱིན་ཡོད་པ་ཡིན་ཞེས་ཁོང་པ་གསུམ་ཞལ་གྱིས་བཞེས་སོ༎
ཡང་དུས་གཅིག་གི་ཚེ། དབོན་པོ་ཀུན་རྡོར་བ་ཁྱོད་བླ་མའི་གདན་ས་གསུམ་བྱེད་དགོས་པས་གལ་ཆེ་ཞེས་གསུངས་པ་སློབ་དཔོན་ནམ་མཁའ་དཔལ་ལྡན་གྱིས་ཐོས། ཁོང་གི་བསམ་པ་ལ་གདན་ས་གཉིས་བྱེད་པ་སྲིད། གསུམ་མཛད་རྒྱུ་མེད་བསམ་པ་བྱུང་སྟེ། ཕྱིས་ནཱ་ལེནྚཱའི་གདན་ས་མཛད་པ་འདི་དགོངས་པ་ཡིན་པ་འདུག་ཅེས་གསུང་ངོ༎
ཡང་ཆོས་ཁྲིའི་སྟེང་ན་སྔ་ཆོས་གསུང་གིན་ཡོད་པའི་ཚེ་ལྕགས་ཟམ་པ་མི་ཉག་རལ་པ་ཅན་གྱི་ཆ་ལུགས་བྱས། ཡིད་ལ་མེད་དུ་ཐལ་མར་བྱུང་སྟེ་རྟ་ལས་མ་བབ་པ་ཆོས་ཁྲི་ལ་བསྐོར་བ་གསུམ་བྱས། མང་ཇ་སྐོལ་བ་ཡིན་དུང་བུས་ཟེར་ནས་ཆོས་གྲྭའི་ཟེར་དེར་ཐབ་ཆུང་གཅིག་གཙུགས་ཇ་ཞིམ་པོ་ཕོར་པ་གང་ཐོན། དུང་མ་བུས་ཀྱང་དགེ་འདུན་ལྔ་བརྒྱ་ཙམ་རང་ཤུགས་ཀྱིས་འདུས་བྱུང། ཇ་ཐུར་མ་གང་རེ་དགེ་འདུན་ཐམས་ཅད་ཀྱི་