[A:351]འབྲུ་དང་རིན་པོ་ཆེ་རྣམས་ཕྱོགས་བཅུར་འཐོར་བ་མཛད། བཀྲ་ཤིས་པར་གྱུར་ཅིག་ཅེས་གསུངས། ཡང་ས་ཕྱོགས་དེ་ན་གཞི་ལ་འཁོད་པའི་འཁམས་རུ་རྒན་པོ་ཞིག་གིས། ཇ་སྡེར་མ་གང། ཞོ་རྫ་མ་གང་ཕུལ་ནས། བྱིན་རླབས་ཞུས་ཁྱོད་ཀྱི་མིང་ལ་ཅི་ཟེར་ཞེས་གསུངས། ཐར་པ་ཞེས་ཟེར་བ་ལགས་ཞེས་ཞུས་པས། རྟེན་འབྲེལ་བཟང་ཞེས་གསུངས་ཞིང་ཇ་དང་ཞོ་བསྲེས་ནས་ཕྱོགས་བཅུར་གཏོར་བར་མཛད། བཀྲ་ཤིས་པར་གྱུར་ཅིག་ཅེས་གསུངས་ཤིང་གཙུག་ལག་ཁང་དང་བླ་བྲང་གི་སའི་ཐིག་གདབ། དགོན་པའི་མིང་ནི་ནཱ་ལེནྚའོ་ཞེས་གསུངས། དེའི་དགུན་དང་དཔྱིད། ལོ་པ་དང། བྱ་ཡུལ་བས་སྤྱན་དྲངས། མེ་ཕོ་འབྲུག་གི་ལོའི་དབྱར་དགོན་པའི་རྨང་བཏིང། བྲང་ཁང་བརྒྱ་དང། སུམ་ཅུ་རྩ་བདུན་ཐེབས། དེ་ནས་བཟུང་སྟེ་དབྱར་ཆོས་དང། དགུན་ཆོས་ཀྱི་སྒྲིགས་དང། རྣམ་པར་བཞག་པ་གསང་ཕུ་ནེའུའི་ཐོག་ན་ཇི་ལྟར་ཡོད་པ་བཞིན་ཕྱག་ལེན་དུ་བཞེས་ཏེ། ལོ་བཅུ་བཞིའི་བར་དུ་ཞབས་བརྟན་པར་གདན་ཆགས་སོ༎
དུས་དེ་དག་ཏུ་གཞན་དོན་ཕྲིན་ལས་ལེགས་པར་རྒྱས་ཤིང་མཐར་ཕྱིན། ཕྱོགས་ཀྱི་བུ་སློབ་ཐམས་ཅད་ལེགས་པར་འདུས། ཕྱོགས་ཀྱི་མི་ཆེ་དགུ་མཐའ་དག་གིས་འབུལ་བ་དང། ཞེ་ས་བྱས། རྟེན་འབྲེལ་ཐམས་ཅད་རང་འགྲིག་ཏུ་སོང། རྗེ་ཉིད་ཀྱི་ཐུགས་རྒྱུད་ལ་མངོན་པར་རྟོགས་པའི་ཡོན་ཏན་མང་པོ་གོང་འཕེལ་དུ་འཁྲུངས་སོ༎
དེ་ཡང་འདི་ལྟར། ཆོས་རྗེ་ཀརྨཱ་པས། ཇ་སིགས་སུམ་ཅུ། ཁལ་གྱི་མཛོ་སྒ་སྟན་དང་བཅས་པ་དང་བརྒྱ་འབུལ་ཆེན་པོ་མཛད། རྒྱ་ནག་གི་རྒྱལ་པོས་དུ་གང་བཀྲ་ཤིས་སེང་གེ་བརྫངས་ནས་གོས་ཕྱི་ནང་ཆ་ལྔ་དང། ཇ་སིགས་ལྔ་ལ་