[A:344]ཆེན་པོ་བློ་རྒྱམ་པ་ན་རེ། ཉན་རང་འཕགས་པ་ཆོས་ཅན། ཆོས་དབྱིངས་རྟོགས་པ་ཡིན་ཏེ། ཆོས་དབྱིངས་ལ་དམིགས་པ་ཡིན་པའི་ཕྱིར་ཅེས་ཟེར། དེ་ལ་རྗེ་ཉིད་ཀྱིས། ཆོས་དབྱིངས་ལ་དམིགས་ནས་བདེན་པར་འཛིན་པའི་བློ་ཆོས་ཅན། ཞེས་གསུངས་པ་ལ། ཆེན་པོ་བས། ཐོག་མར་ཆོས་ཅན་མ་གྲུབ་ཅེས་ཟེར་ཞིང། རྗེས་སུ་དག་པ་ཕུལ་ཞེས་གྲལ་དེར་འཁོད་པ་རྣམས་གསུངས། ཡ་འབྲོག་གི་མངོན་དགར། བོ་དོང་པ་པཎ་ཆེན་ཆོས་རྒྱལ་དང་དབུ་མའི་རྩོད་པ་མཛད་པས། བོ་དོང་པས་ཀུན་རྫོབ་བདེན་པ་ཅེས་པའི་ཚིག་ཟུར་གྱི་བདེན་པ་དང། དོན་དམ་བདེན་པ་ཞེས་པའི་ཚིག་ཟུར་གྱི་བདེན་པའི་ཚིག་གཉིས་པོ་དོན་གཅིག་ལ་འདུ་བར་ཁས་ལེན་དགོས་པ་བྱུང་བས། སྤོབས་པ་བཅོམ་པ་ཡིན་ནོ་ཞེས་རྗེ་ཉིད་གསུང་ངོ༎
ཡང་བླ་མ་རྗེ་བཙུན་པའི་གཞུང་ལུགས་རབ་འབྱམས་སྨྲ་བའི་བཤེས་གཉེན་བདུན་གྱི་ནང་ནས། རྩོད་པ་ཕུལ་ཕྱིན་དར་མ་རིན་ཆེན་གསང་ཕུར་དཀའ་བཅུའི་གྲྭ་སྐོར་ལ་བྱོན་པའི་ཚེ། རྗེ་ཉིད་དང་རྩོད་པ་ཉི་མ་ལྔ་མཛད་པ་ལ། དར་མས། རིན་པོ་ཆེ་གཡག་པའི་གྲུབ་མཐའ་ལ་ཟུར་ཟ་བའི་དམ་བཅའ་བཅུ་གཉིས་བཞག། རྗེ་ཉིད་ཀྱིས་རིན་པོ་ཆེ་པའི་དམ་བཅའི་རྗེས་སུ་ཞུགས་པའི་དམ་བཅའ་བཅུབཅྭ་ལྔ་བཞག། དེ་ནས་ཕན་ཚུན་འཕེན་ལེན་བྱས་པ་ལ། དཀའ་བཅུ་པ་དར་མས་ཉི་མ་གསུམ་པ་ལ། རྟགས་སྒྲིགས་པའི་སྒྲིགས་མཚམས་དེ། རྗེ་ཉིད་ཀྱིས་ཉི་མ་བཞི་པ་ལ་གཤགས་པས། རྟགས་ཁས་བླངས་དང་ཐལ་ཆོས་ལ་ཚད་མའི་བསལ་པ་ཞུགས་པས་གཉིས་པོ་ལ་ལན་མ་ཐེབས་པར། སྔར་གྱི་སྒྲིག་མཚམས་བརྗེད་ནས་ཁྱབ་པ་མེད་བྱས་པས། དངོས་འགལ་ལ་ལན་བཏབ། དེར་རྗེ་ཉིད་ཀྱིས་དངོས་འགལ་ལ་ལན་བཏབ་པོ་ཅེས་གསུངས་པས། གླིང་སྟོད་གདན་ས་བ་དང། རྩོད་ཡིག་འབྲི་མཁན་སློབ་དཔོན་དབེན་གི?གེ་བ་ན་རེ། ཁོང་