[A:340]ཤེས་རབ་ལོག་པར་ཁྲིང་པའི་གཞུང་ལུགས་ཀུན༎
དྲུངས་ནས་འབྱིན་མཛད་ཁྱོད་ལ་ཕྱག་འཚལ་ལོ༎
དེ་ཡང་སྤྱིར་རྩོད་པ་བྱེད་པའི་དོན་ནི། སྔ་རྒོལ་དུ་ཁས་བླངས་པའི་ཚེ་རང་གི་དམ་བཅའ་ལ་སྒྲུབ་བྱེད་ཡང་དག་འགོད། དེ་ལ་འགལ་བ་དང་མ་ངེས་པ་དང། མ་གྲུབ་པའི་སྐྱོན་སྤངས་པའི་སྒོ་ནས་ཚེར་མ་འབྱིན། ཕྱིར་རྒོལ་དུ་ཁས་ལེན་པའི་ཚེ། གཞན་གྱི་དམ་བཅའ་ལ་སུན་འབྱིན་ཡང་དག་བརྗོད་པ་ཡིན་ལ། དེའི་ཚེ་རྒོལ་བ་གཞན་གྱི་སྤོབས་པ་ཕྲོགས་པ་དེའི་ཚེ་རྒྱལ་བའི་ཚད་དུ་འཇོག་པ་ཡིན་པས། དེ་ལ་གཉིས་ཏེ།
1.2.5.2.1
བསྟན་བཅོས་སུ་བཀོད་པའི་རྩོད་པ་དང། 1.2.5.2.2
རྒོལ་བ་གཞན་དང་དངོས་སུ་ཐུག་པའི་རྩོད་པའོ༎
1.2.5.2.1
བསྟན་བཅོས་སུ་བཀོད་པའི་རྩོད་པ།
དང་པོ་ལ། ཁོ་བོ་ཅག་གི་བདག་ཉིད་ཆེན་པོ་འདིས་གཞན་སུན་འབྱིན་པར་བྱེད་པའི་ཕྱོགས་སྔ་མ་ནི་གཉིས་ཏེ། 1.2.5.2.1.1
ཕྱི་རོལ་པ་དང། 1.2.5.2.1.2
ནང་པའོ༎
1.2.5.2.1.1
ཕྱི་རོལ་པ།
དང་པོ་ནི། རྟོག་གེ་པ་སྡེ་ལྔ་སྟེ། དེ་སུན་འབྱིན་པར་བྱེད་པའི་རིགས་པ་ནི། བདག་ཉིད་ཆེན་པོས་དབུ་ཚད་ཀྱི་བསྟན་བཅོས་རྣམས་སུ་མི་འཇིགས་པའི་སྤོབས་པས་ལེགས་པར་བཤད་དོ༎
1.2.5.2.1.2
ནང་པ།
གཉིས་པ་ལ་གཉིས་ཏེ། 1.2.5.2.1.2.1
རྒྱ་གར་དུ་གྲགས་པ་དང། 1.2.5.2.1.2.2
གངས་ཅན་དུ་གྲགས་པའོ༎
1.2.5.2.1.2.1
རྒྱ་གར་དུ་གྲགས་པ།
དང་པོ་ནི། གྲུབ་པའི་མཐའ་སྨྲ་བ་བཞི་ལས། དང་པོ་གསུམ་གྱི་མི་འཐད་པའི་ཆ་སུན་འབྱིན་པའི་ཚུལ་ཡང་ལེགས་པར་མཁྱེན་ནས། དབུ་སེམས་ཀྱི་བསྟན་བཅོས་ཆེན་པོ་རྣམས་ཀྱི་དགོངས་འགྲེལ་མཛད་པ་དེ་དག་ཏུ་ལེགས་པར་གཏན་ལ་ཕབ་པོ༎
1.2.5.2.1.2.2
གངས་ཅན་དུ་གྲགས་པ།
གཉིས་པ་བོད་ཡུལ་དུ་བྱོན་པ་ལ་གྲུབ་མཐའ་འོག་མ་གསུམ་གྱི་རྣམ་བཞག་རང་ལུགས་མཐར་ཐུག་ཏུ་ཁས་ལེན་པའི་སློབ་དཔོན་དང། དེའི་རྗེས་སུ་འཇུག་པའི་སྡེ་ནི་སུ་ཡང་མེད་མོད། འོན་ཀྱང་གྲུབ་མཐའ་བཞིའི་རྣམ་གཞག་འཇོག་པའི་ཚུལ་ལ་མི་མཐུན་པའི་ཁྱད་པར་སྔོན་གྱི་དུས་སུ་ཅུང་ཟད་བྱུང་བ་རྣམས་དང། དུས་ཕྱིས་ཆེས་ཤིན་དུ་མི་མཐུན་པ་བྱུང་བ་ཀུན་མཁྱེན་དུ་གྲགས་པ་ཤེས་རབ་རྒྱལ་མཚན་