[A:339]ཉིང་སློབ་ཏུ་མ་གྱུར་པ་ཅིག་ཀྱང་མི་སྣང་སྟེ། བརྗོད་པས་མི་ལང་ངོ༎
ཡང་སྟོད་ནས་མངའ་བདག་རྒྱལ་པོའི་བླ་མ་ནམ་མཁའ་འོད་ཟེར་རྒྱ་མཚན་དཔལ་བཟང་པོ༎ བར་ནས་དབང་གྲགས་པ་འབྱུང་གནས་ཀྱི་བླ་མ་དམར་ཁམས་པ་རྒལ་མཚན་འོད་ཟེར་མདོ་ཁམས་སྨད་ནས་རྒྱ་རྒྱལ་པོའི་བླ་མཆོད་གྲོ་ཤྲི་བསོད་ནམས་ཤེས་རབ་རྣམས་སོ༎
ཡང་གངས་ཅན་ན་དབང་ཆེ་བའི་སློབ་མ་ནི། མདོ་ཁམས་ནས་གླིང་དཔོན་ཆེན། གོན་གྱོ་བླ་མ་རྒྱལ་མཚན། གཙང་ལ་རྒྱལ་བུ་སོགས་རྒྱལ་རོང་གི་སྡེ་པ་ཆེན་པོ་བཞི། ཁྲོམ་ཁྲི་དཔོན། འཕན་ཡུལ་ནས་སྡེ་པ་ཆེན་པོ་རྒྱ་བྱ་གཉིས། གོང་དཀར་བ་སྐུ་མཆེད་གཉིས། རིན་སྤུངས་པ་ནམ་མཁའ་རྒྱལ་པོ་ཡབ་སྲས་ལ་སོགས་པ་ཤིན་དུ་མང་སྟེ། མཚོན་པ་ཙམ་མོ༎
དེ་དག་ལ་འདི་སྐད་ཅེས།
བརྒྱ་བྱིན་རྣ་བའི་ཆུ་གཏེར་དུ༎
རྩེ་ཞིང་དགའ་བའི་ལྷ་རྣམས་ཀྱི༎
རྔ་དབྱངས་ཡིད་འོང་ངོ་མཚར་གཏམ༎
རྣ་བས་མ་བླངས་ལྷ་བུ་སུ༎
ས་སྟེངས་འདི་ན་ཆེ་རྣམས་ཀྱི༎
རལ་པའི་ཐོར་ཅོག་རྩེར་འཛེགས་པའི༎
ཞབས་སེན་ཆུ་ཤེལ་དཀར་པོའི་མདངས༎
མི་ལེན་བྱིས་དད?དང་མཁས་པ་སུ༎
ཁྱོད་ཞལ་ཡོངས་འདུའི་འབབ་སྟེགས་ལས༎
ལེགས་འབབ་བདུད་རྩིའི་རྒྱུན་གང་ལ༎
ལྷ་མིན་རྣམས་ཀྱང་སྲེད་བྱེད་ན༎
སྐལ་བཟང་ལྷ་རྣམས་སྨོས་ཅི་དགོས༎
མདོར་ན་གངས་ཅན་གྱི་ལྗོངས་འདིར་སྐུ་ཚེ་དང་བཤད་ཉན་མཉམ་པར་མཛད་པས། དངོས་ཀྱི་སློབ་མའི་གྲངས་མཐའ་ཡས་པ་བྱུང་བ་ནི། བདག་ཉིད་ཆེན་པོ་འདི་དང། བཅོམ་ལྡན་རིགས་པའི་རལ་གྲི་དང་སློབ་དཔོན་ཕྱ་པ་གསུམ་ལས་ལྷག་པ་གཞན་མེད་དོ༎
1.2.5.2
རྩོད་པ་སེང་གེའི་ང་རོས་ཕྱི་རྒོལ་གྱི་གླང་པོ་ཇི་ལྟར་བཅོམ་པའི་ཚུལ།
གཉིསགསུམ་པ་རྩོད་པ་སེང་གེའི་ང་རོས་ཕྱིར་རྒོལ་གྱི་གླང་པོ་བཅོམ་པའི་ཚུལ་ནི།
ལུས་མེད་གྱིས་འཕངས་མེ་ཏོག་ལྕགས་ཀྱུ་ནི།
ལ་ལའི་སྙིང་མཚོར་ཞུགས་ནས་རང་བཟོ་ཡིས༎