[A:338]འཇམ་དབྱངས་པ། བདག་པོ་མཐུ་སྟོབས་ཀྱི་དབང་ཕྱུག་ཞ་ལུ་བར་གྲགས་པ་དང། མཁས་གྲུབ་ཆེན་པོ་ཚུར་ཕུའི་གུ་ཤྲཱི་དང་གསུམ་མོ༎
གསུམ་པ་ནི། ལྕགས་ཟམ་པ་ཞེས་ཀུན་ལ་གྲགས་པ་དང། ག་གཟི?ཟི་ཀུན་སྤངས་པར་གྲགས་པ་གཉིས་སོ༎
གཞན་གྲུབ་ཆེན་སྦས་པའི་རྣལ་འབྱོར་དོན་ལ་བཟང་བ་ཤིན་དུ་མང་ཏེ་བྲི་བར་མ་ནུས་སོ༎
གསུམ་པ་ནི། ཕྱོགས་ཙམ་མཚོན་ན། གསང་ཕུ་གླིང་སྟོད་ཀྱི་གདན་ས་མི་ཉག་ནས། ནམ་མཁའ་བརྟན་པའི་བར་ལྔ་བརྒྱུད་མར་བྱུང་བ་རྣམས་དང། གླིང་སྨད་ཀྱི་གདན་ས་བ་བརྩོན་འགྲུས་སེང་གེ་ནས་ཤེས་རབ་དཔལ་ལྡན་པའི་བར་བཞི་བརྒྱུད་མར་བྱུང་བ་དང། ཚལ་ཡང་དགོན་དང། ཆོས་འཁོར་གླིང་དང། བདེ་བ་ཅན་དང། ཟུལ་ཕུ་རྣམས་ཀྱི་གདན་ས་ཐ་ནའང་གཉིས་བརྒྱུད་བར་མ་ཆད་བྱུང་བ་རྣམས་དང། རི་བོ་དགེ་ལྡན་གྱི་གདན་ས་བློ་གྲོས་ཆོས་སྐྱོང་ཚུན་ཆད་གསུམ་བྱུང་བ་རྣམས་དང། འབྲས་སྤུང་གི་གདན་ས་དཔལ་ལྡན་སེང་གེ་ཚུན་ཆད་གསུམ་བརྒྱུད་བྱུང་བ་རྣམས་དང། གྲོ་སའི་མཁན་པོ་འོད་ཟེར་རྒྱལ་པོ་ཚུན་ཆད་བཞི་བརྒྱུད་དུ་བྱུང་བ་རྣམས་དང། རྒྱལ་ལྷ་ཁང་དང། གླང་ཐང་གི་སྤྱན་སྔ་འཇམ་དབྱངས་ཕུན་ཚོགས་དཔལ་བཟང་པོ་ནས་བཟུང་སྟེ་ཁུ་དབོན་བཞི་བར་མ་ཆད་པར་བྱུང་བ་རྣམས་དང། ལོ་དང། བྱ་ཡུལ་དང། རྒྱ་མ་རྣམས་ཀྱི་སྤྱན་སྔ་ཉིས་བརྒྱུད་བར་མ་ཆད་དུ་བྱོན་པ་དང། ཐེལ་རྩེ་ཐང་གི་ཆེན་པོ་རེ་རེ་ཙམ་བྱོན་པ་དང། ཚོགས་པ་སྡེ་བཞིའི་མཁན་པོ་མང་བ་རྣམས་ལ་བཞི་བརྒྱུད་དང། ཐ་ནའང་རེ་རེ་བྱོན་པ་དང། དཔལ་འཁོར་བདེ་ཆེན་དང། བྱམས་ཆེན་དང། སྣར་ཐང་དང། ངམ་རིང་ལ་སོགས་པ་གཙང་གི་ཆོས་སྡེ་ཆེ་ཆུང་མཐའ་དག་དང། མངའ་རིས་སྟོད་སྨད་ཀྱི་ཆོས་སྡེ་རྣམས་དང། ཁྱད་པར་དུ་མདོ་ཁམས་ཀྱི་ཆོས་སྡེ་ཆེ་ཆུང་མཐའ་དག་གི་མཁན་པོ་དང། ཟུར་ཆེན་དང། སློབ་དཔོན་རྣམས་ནི་བདག་ཉིད་ཆེན་པོ་འདིའི་དངོས་སློབ་དང། དད་པ་ཐོབ་པའི་