[A:43a]nas bram ze ming sring gi drung du phyin te gsod par brtsams pa dang / de gsum gyis gsod par shes nas smon lam log par btab ste/ ming po che bas bdag 'di rnams kyis bsad pa dang / gshin rje ma rung pa zhig tu gyur nas/ 'di rnams gsod par gyur cig bsad nas kyang 'di dag nga'i bran du gyur cig ces pa dang / de bzhin du ming po chung bas kyang tshe 'phos ma thag bdud ma rung pa zhig tu gyur nas 'di rnams bsad de nga'i bran du gyur cig sring mos nga bsad pa dang gnod sbyin ma chen mo zhig tu gyur nas 'di rnams bsad de nga'i bran du gyur cig ces dmod bor/ de nas khong rnams kyis bram ze ming sring gsum bsad pa'i rjes/ sngar dge ba spyad pa dang / 'chi khar smon lam log pa btab pa'i stobs kyi ming po che ba lho phyogs gshin rje thams cad kyi gtso bo gshin rje gsod byed ces bya bar gyur/ ming po chung ba