[A:43b]nub byang gi bdud thams cad kyi gtso bo bdud nag po ral pa spyi phyings zhes bya bar gyur/ sring mo ni byang shar gyi gnod sbyin mo thams cad kyi gtso mo srin mo nag mo gser gyi spu gri ma zhes bya bar gyur/ de dag nang du skye 'gro rnams kyi srog bdud kyi tshul du lus kyi gnad la gnas pa ni/ ming po che ba gshin rje ni ltag pa'i bdud rtsa nag po la gnas/ ming po chung ba bdud ni snying dkar nag mtshams kyi rtsa mdud la gnas/ sring mo ni srog rtsa la gnas nas sems can thams cad kyi srog bdud dbugs len gyi las byed par gyur te/ thog mar rang gi gshed ma bsad 'phral du rang gi bran du skyes pa ni/ ru 'dren sde bzhir grags te/ skyes pa rnams btsan rgod du skyes pa/ g.yas kyi ru 'dren pa skyes pa stag chas brgyan pa brgya/ btsun pa rnams srog bdag rgyal por skyes pa/ g.yon gyi ru 'dren pa nyan thos dgra bcom pa brgya/ sngags pa rnams gza' rgod dang bdud nag tu