[A:42b]'ga' zhig gi gsung las 'byung yang / bris thang rnying pa du mar ba glang gi gdong sogs bris pa 'byung bas cung zad brtag pa'i gnas yin par yang bla ma dag gsung ngo // ! //gsum pa las mgon gyi lo rgyus ni/ sngon gyi dus rgya gar shar phyogs kyi bas mtha'i ri brag zab mo zhig na/ bram ze ming sring gsum tshangs spyod kyi dka' thub la gnas shing dge ba spyod pa las/ yul de'i skyes pa dang bud med kyi tshogs rnams dad cing 'dun par gyur nas bsnyen bkur byas pas/ yul de'i rab byung dang sngags pa la sogs pa sngon gzhan gyis bkur ba rnams la bsnyen bkur med par gyur to/ /de'i tshe de dag gi bsam pa la/ da lta bram ze ming sring 'di dag yod pas bdag cag rnams gzhan gyis spangs pas/ 'di gsum gsad par bya'o zhes gros bshams nas/ rab byung dang sngags pa de dag gis rang gi bsgo ba nyan pa'i skyes pa dang bud med dag bskul