[A:42a]sho dhe sogs 'dzin pa/ re lde nag po'i stod g.yogs dang / stag gi sham thabs la sogs pa 'ongs pa shas che/ 'on kyang 'di rnams rgyud gcig pas rje mo dang g.yog mo'i rnam 'gyur gang 'dul sna tshogs su ston pa yin pas/ mtha' gcig tu nges pa ni med do/ /zhar byung dam pas mdzad pa'i bskang gsor/ g.yog gnyis 'jigs ma zhes gsungs pa ni/ mai tri pas mdzad pa'i bstod par mdun gyi sna 'dren chu srin gdong dang / slad kyi rjes 'brang seng ge'i gdong can gnyis la bshad pa ltar yin no/ /ba lang ma dang / khri sman ma ni gong du bshad pa ltar dur khrod g.ya' gangs nags khrod la gnas pa dang / rgya mtsho la sogs pa'i rlan gsher la gnas pa'i ma mo'i ming gi rnam grangs yin pas/ ba glang gi gdong can dang / kr-iShNa sa ra'i gdong can du 'dod pa sogs ni rang bzo'i tshod dpags yin par zad do zhes bla ma