[A:192a] gtor ma la brten nas dgra bsad pa ni/ gtor ma dgra bgegs su bskyed nas bsad las byed pa yin pa la/ de ma rtogs pa kha cig gtor ma lhar bskyed pa la 'di'i nyams len byed pa yang gad mo'i gnas yin no snyam du thugs la bzhag nas/ don gyi dbang de dag la dgongs nas rje nyid kyis mdzad pa'i mgon po'i chos skor gyi dri ba lhag bsam rab dkar las/ gtor bzlog ces bya ding sang rlung ltar grags/ /'di nyid tshad ldan yi ge gang la brten/ /de dang mthun pa'i phyag len yod lags sam/ /khams kyi phyogs na dgra chos zhes bya dar/ /dbus gtsang phyogs 'dir drug cu pa la sogs/ /rngams brjid spros pa shin tu che bar snang / /'di dag rnams la khungs thub ji ltar mchis/ /shog ril drug gi nang tshan gtor ma 'di/ /dgra bgegs dag tu bsgrub pa'i bsad las yin/ /gzhan dag gtor ma lha ru bskyed bzhin du/ /'di yi nyams len dag tu bzhed