[A:192b] pa ci/ /zhes gsungs pa yin la/ de lta bu'i dri ba'i tshig de dag las/ gtor bzlog ces bya ding sang rlung ltar grags/ /zhes sogs tshig rkang gsum po 'di ni sa skya pa'i chos skyong gi chos brgyud 'dzin pa'i gtor bzlog mdzad pa po thams cad la dris par snang bas/ so so nas lan 'debs mdzad par 'os pa las/ bdag kho nas 'dir 'bri bar ma nus la/ de bzhin du/ khams kyi phyogs na dgra chos zhes bya dar/ /zhes pa 'di'i lan yang byed pa po dag gis smra bar rigs pas na/ 'dir ni ma bris so/ /des na 'dir ched du bya ba/ 'dzam gling bstan pa'i mnga' bdag sa lo 'jam pa'i rdo rje dang / sngags 'chang chos kyi rgyal po ngag dbang kun dga' rin chen yab sras rnams kyi rjes su zhugs par khas 'che ba kho bo cag rnams kyis ni mgon po'i man ngag drug cu pa'i phyag len 'di nyid tshad ldan gyi yi ge rnying ma'i khungs dang 'brel ba zhig ci nas kyang bsgrub dgos rgyur snang yang / rang re rjes 'jug rnams za