[A:191b] mgon po'i gtor mas bzlog /ces 'don pa bsgyur bar gsungs shing / khyad par gyi bskul rnams ni slob dpon padmas mdzad pa dang / mkhas pa yon tan khris mdzad pa rnams yin pas/ de dag gi phyag len rgyas pa rje tshar pa rang gis bsgrigs pa'i rang lugs kyi dmar chen gtor bzlog 'di la ni 'khrul pa med cing / ming yang drag po gtor ma'i man ngag ces 'dogs pa yin la/ gzhan dag gi gtor bzlog la ni khams kyi phyogs na dgra chos zhes bya ba'i gtor bzlog gi lag len/ dbus gtsang 'di na drug cu pa zhes pa'i ming 'dogs pa'i phyag len rnams la ni khungs dgos te/ dgra chos ni bon la grags pa yin gyis/ lugs 'di la med cing / drug cu pa ni gshin rje pa rnams la grags pa yin gyis/ lugs 'di'i yi ge gang na yang bshad pa sngar tshar chen rang gis ma gzigs pas/ des na khungs btsal bar bya dgos pa'i gnas yin la/ shol ril drug pa'i nang tshan gyi