[A:177b] sngon rdo rje 'chang dang bla ma gong ma rnams kyi spyan sngar sangs rgyas kyi bstan pa srung zhing / dam tshig can skyong bar khas blangs pas/ dam tshig dang ldan pa'i rnal 'byor pas bstan pa dang sems can gyi don du dam rdzas kyis mchod cing / bskul ba na sngon gyi thugs bskyed kyi dbang gis 'phrin las rnams 'bad med du bsgrub pa yin gyi/ gzhan ma dag pa sha chang la sred pa'i rtogs nyams kyi snang ba cung zad kyang med pas/ sangs rgyas la sems can gyi rgyas bkab byed pa rgod bro bar gda'/ des na chos ma yin pa'i bya ba thams cad la 'dzem med du zhugs shing / gtor chog gi bshar sbyangs tsam re byas pa'i sdug yus kyis ming bstan pa dang sems can gyi don du btags nas/ rang re'i nye du'am khang gzhis phra mo tsam re'i phyir du zhe sdang chos brgyad drag pos kun nas bslangs te nyam thag pa'i nga ro dang bcas pas/ sha dang zan gyi ri bo/ khrag dang chang gi rgya mtsho bskyil/ stong gsum