[A:178a] rnga dang bse chal gyis bkang ste bos kyang / 'di dag la ye shes kyi spyan yod pa'i phyir thogs med du mkhyen nas thugs kyis gtan nas khrel bar 'gyur zhing / dam tshig dang sdom par mi ldan pas mchod gtor phul kyang mi bzhes par bshad do/ /'jig rten pa dag gi 'byung bo mgo bskor ba'i phyir gyi mchod pa dang mi 'dra bas legs par bsam pa gal che'o/ /gsum pa nyams su blang pa'i gdam ngag dngos ni/ rdo rje gur las/ slob dpon la rtag sdang ba dang / /dkon mchog gsum la 'khrug ldan dang / /sems can du ma gsod pa rnams/ /rang gi yan lag sha bcad de/ /nag po chen pos za bar 'gyur/ /zhes dang / sgrub thabs kyi rgya gzhung las/ slob dpon la smod bstan la sdang / /dam tshig la 'chal mtshams med byed/ /de rnams bsgral bar bya ba yin/ /gzhan du dam tshig nyams par