[A:177a] ldan brtson 'grus ldan/ /rtag tu bsgrub la dga' ba yi/ /zhes gsungs pa ltar/ gzhi dam tshig dang sdom par ldan zhing / bla ma dang chos skyong gdam ngag la yid ches shing the tshom gyi rtog pa cung zad kyang med pa/ bcos ma ma yin pa snying nas sangs rgyas kyi bstan pa rin po che srog ltar gces par 'dzin pa/ brtson 'grus dang snying stobs mchog tu gyur pa/ thun mong dang thun mong ma yin pa'i rjes su gnang ba mtha' dag thob cing / phyi nang gsang ba'i man ngag la sgro 'dogs legs par chod pa'i gang zag cig go /de ltar na rdo rje theg pa nas bshad pa'i dam tshig dang sdom pa mtha' dag rgyab tu bskyur nas/ bsnyen sgrub mthar phyin par mi byed pa gtor tshogs che ba tsam dang / dbyangs dang rol mo'i 'ur chem gyis bstan srung khol du 'dod pa rnams ni blun spyod kho na ste/ srung ma ye shes pa 'di rnams kyis ni gdul bya'i snang ngor/