[A:142a]dang / /a seng zhabs la gtugs nas sa lugs kyi/ /chos skor mang gsan de yi rgyud 'dzin la/ /zhang gi bka' brgyud ces grags 'di rnams kyang / /sa skya'i rgyud 'dzin yin la su yis bsnyon/ /phyis su byung ba bo dong par grags pa'i/ /rtsa ba gshong ston rdo rje rgyal mtshan zhes/ /chos rgyal 'phags pa'i thugs kyi sras mchog yin/ /de yi gcung po gshong ston blo brtan dang / /dpang lo chen po blo gros brtan pa'i zhabs/ /de yi dbon po lo chen byang rtse ni/ /dpal ldan bla ma dam pa'i dngos slob mchog /yin zhing lo chen byang rtse'i dbon rgyud ni/ /lo chen grags pa zhes bya de nyid byon/ /de yi dbon po bo dong ka bcu pa/ /chos kyi rgyal mtshan dngos kyi mtshan yin te/ /ston ming phyogs las rnam rgyal zhes grags pa/ /'di dag kyang ni dpal ldan sa skya pa'i/ /bstan 'dzin dge ba'i bshes gnyen ngo mtshar can/ /kho na yin zhing de yi rgyud