[A:142b]'dzin la/ /bo dong pa zhes grags 'di byung ba lags/ /deng sang dge ldan par grags srol 'di yang / /thog ma'i byung tshul shar phyogs tsong kha pa/ /blo bzang grags pas 'brog gi ri bo che/ /dge ldan rnam par rgyal ba'i gling btab nas/ /de yi gdan sa dar ma rin chen dang / /gdan sa gnyis pa dge legs dpal bzang ste/ /de ltar gsum las snga ma gnyis po ni/ /sa skya'i las chen gzhon nu blo gros kyi/ /slob ma rab 'byams smra ba'i bshes gnyen mchog /bdun gyi nang tshan yin zhing phyi ma ni/ /ka bcu legs par shes pa bcu phrag gcig /byung ba'i nang du gtogs pas 'di kun gyis/ /mdo phyogs mtha' dag dpal ldan sa skya ru/ /legs par btugs shing de bzhin sngags phyogs kyang / /'gro mgon rje dang de yi thugs kyi sras/ /spyan snga grags pa byang chub la sogs pa las/ /thog mar gsung ngag lam 'bras nas brtsams te/ /sa skya'i rje btsun gdams pa phal