[A:141b] /gzhan yang grub thob khyung po rnal 'byor ram/ /shang pa du khu ba zhes bya ba des/ /legs par phye ba'i shangs pa bka' brgyud pa/ /zhes grags lugs srol bzang po 'di nyid la/ /rgyud pa rin chen sna bdun byung ba las/ /de yi rgyud pa bzhi pa rmog cog pa/ /rin chen brtson 'grus zhes bya sa chen gyi/ /dngos slob a seng zhabs las sa lugs kyi/ /gdams pa mang du nos shing de nyid kyi/ /rgyud pa drug par gyur pa gnyan ston che/ /sbas pa'i sangs rgyas zhes byas dpal sa skyar/ /rje btsun grags pa'i zhabs pad lo bcu gnyis/ /bsten de rgyud dang man ngag phal cher gsan/ /rgyud pa bdun pa 'gro ba'i mgon po mchog /sangs rgyas ston pas chos rgyal 'phags pa la/ /smin grol zhal gyi bdud rtsi mang nos pas/ /'di dag kyang ni rje btsun sa skya pa'i/ /slob rgyun yin zhing zhang ston g.yu brag par/ /grags pas sa skya'i bla chen sku dngos kyi/ /slob ma shan pa rdor seng zhes bya