[A:141a]'dzin la/ /stag lung thang pa zhes grags de dag kyang / /sa skya pa yi slob mar bsnyon med du/ /grub cing phag gru'i sku tshe'i mjug tsam gyi/ /thugs sras skyu ra rin chen dpal zhes pas/ /'bri khung thel btab 'bri khung pa zhes pa'i/ /srol chen gcig tu grags shing 'di kun kyang / /dpal ldan sa skya pa yis rje 'jug tu/ /nges pa yin la dus gsum mkhyen pa'am/ /spre'u chos kyi grags pa zhes kyang bya/ /khams pa dbu se zhes pa'i mtshan gsum dang / /ldan pa'i skyes bu de yis sa chen gyi/ /dngos slob rga lo dang ni a seng zhabs/ /shan pa rdor seng gsum las lam 'bras sogs/ /sa lugs chos kyi bdud rtsi mang gsol nas/ /gang des smar khams sgang zhes bya ba ru/ /karma lha sdings dgon pa btab pa nas/ /karma kam tshangs zhes pa'i srol chen po/ /gcig tu grags te 'di dag thams cad kyang / /sa skya pa yi slob rgyun khongs su gtogs/