[A:140b]ru/ /ma gyur gangs ri'i khrod 'dir bstan 'dzin du/ /zhal gyis 'ches pa'i gang zag gcig yod min/ /de yang dwags po bka' brgyud par grags pa'i/ /bstan 'dzin gtso bo khams pa mi gsum gyi/ /nang tshan phag mo grub pa'am mtha' tsa pa/ /khams pa rdor rgyal zhes pa'i mtshan gsum dang / /ldan pa de yis sa skya'i bla chen zhabs/ /bcu gnyis lor bsten gdams pa phal cher gsan/ /slar yang rje btsun grags pa rgyal mtshan la/ /gtugs nas gsung gi bdud rtsi mang gsol bas/ /sa skya'i rgyud 'dzin slob ma grags pa can/ /yin zhing de yi slob brgyud gling ras nas/ /brgyud de gtsang pa rgya ras zhes bya bas/ /'brug tu dgon pa btab pas deng sang dus/ /'brug pa zhes pa'i bka' srol chen po zhig /byung ba 'di kun sa skya'i slob rgyud du/ /gtogs shing gzhan yang phag gru'i nye gnas che/ /ga zi rin chen dpal gyis stag lung thang / /btab pa nas bzung 'di pa'i srol