[A:140a]nus la/ slar rje nyid kyi dgongs pa bkrol nas rnam thar rgyas pa spel ba'i tshe rim gyis gsal bar byed pa sha chags pa lags so/ /'dir smras pa/ 'gro ba kun la dga' bzhi'i lam bstan nas/ /snying po'i 'bras bu ster mdzad bla chen dang / /bsod nams ye shes rtse mo mthar son zhabs/ /rab snyan grags pa'i rgyal mtshan 'dzin rnams bsngags/ /lnga rig mkhas pa'i gtsug rgyan paN chen dang / /byang phyogs chos srid bdag po 'phags pa'i mtshan/ /de dag dbon dang chos rgyud 'dzin pa yi/ /skyes mchog rnams la su zhig dad mi byed/ /khyad par dus ngan snyigs ma'i mthar thug 'dir/ /bstan pa'i me ro gso la bsam bzhin du/ /byon pa'i sngags 'chang chos rje yab sras kyi/ /bka' drin bsams na lan brgyar phyag byar 'os/ /de ltar thub dbang rgyal tshab sa skya pa'i/ /chos kyi rgyud pa 'dzin pa'i slob ma