[A:135b]g.yag pa khri steng du phebs pa dang / rang nyid chos ra'i phyogs kyang 'di phyogs su bzhugs pa sogs thugs la gsal bar shar zhing / yang de'i rjes su rdo rje 'dzin pa chen po sbas pa'i rnal 'byor zhig tu sku skye ba bzhes te/ de dus g.yas ru byang gi ldog gi sa cha zhig tu chos rje rdzong pa kun dga' rgyal mtshan la gshed dmar lha lnga'i dbang gsan te/ dbang gral gyi rnam pa 'di bzhin yod sogs shin tu gsal bar dran pa byung gsungs te/ des mtshon nas sku'i skye ba mang por mkhas grub du ma'i tshul bzung nas bstan 'gro'i don mtha' yas pa zhig mdzad par gdon mi za zhing / sku tshe 'dir yang chos gsan pa'i rje bla ma rnams la sangs rgyas dngos kyi 'du shes mnga' ba ni/ grub mchog bsod nams chos 'phel gyi drung du 'jigs byed kyi ra khrid gsan pa'i tshe/ bla ma 'jam dbyangs su bsgoms nas gsol ba btab pas/ gsung rab kyi don la go blo khyad par can zhig de dus na byung ba yin