[A:136a]gsungs shing / gzhan yang 'jam dbyangs dkon mchog rgya mtsho/ mkhan chen dbang phyug dpal bzang / rje klu sgrub rgya mtsho/ mus chen rdo rje 'chang sangs rgyas rgyal mtshan/ rje 'gyur med bde chen/ rtse gdong bdag chen kun dga' bsod nams lhun grub/ rje dbang phyug rab brtan sogs gtso bor gyur pa'i chos gsan pa'i bla ma thams cad la thugs dad bcos min 'khrungs pas/ so so'i rnam thar gsung dus phyag thal mo sbyor ba dang / spyan chab g.yo ba sogs mdzad byung pa na/ gzhan rgyud la yang dad pa dbang med du skyes pa myong bas grub cing / lhag par mus chen 'jam pa'i dbyangs dkon mchog rgya mtsho la nged kyi rtsa ba'i bla ma yin gsungs nas thugs dad lhag par che bas/ rje de nyid kyi sku 'dra phyag nas ma zhig kyang 'bral spangs du mdzad cing / rang gzhan gyi don gal che ba kun la yang rje mus chen kho na la