[A:135a]shing byin gyis brlabs pa/ chos skyong rnams kyis 'phrin las bsgrubs pa sogs cung zad brjod na/ rje 'di sku gzhon nu'i dus thos bsam la bzhugs pa'i skabs shig tshes bco lnga'i zla ba nya gang ba shar byung ba'i dus der rang gi skye ba snga ma rnams dran pa'i tshul ni/ sngon chos rgyal 'phags pa hor yul nas phebs dus rje nyid dad can gyi gang zag cig tu gyur nas 'phags pa'i zhabs rjes su 'brangs te/ gdan sa chen po'i grol chu'i lho phyogs kyi grong 'dabs shig tu khyim pa mo zhig dang lhan cig tu bzhugs nas sras kyang 'ga' byung zhing / de dus kyi thugs dam chos rgyal ma rang la mdzad pa gsal bar dran pa dang / de'i rjes su g.yag mi pham chos kyi bla ma sangs rgyas dpal bas/ sa skya'i dga' ldan du 'chad nyan mdzad pa'i tshe/ rje nyid de'i slob ma'i nang tshan sde snod 'dzin pa chen po bsod nams bzang po zhes bya bar gyur nas/ de dus mkhan chen