[A:134b]zhing / che dgu kun gyis zhabs la gtugs kyang / khengs pa dang dregs pa thams cad rgyang ring du spangs te/ kun gyi 'bangs ltar gzhan gyi don la dgyes pa lhur mdzad pa sogs mdor na sngon gyi skyes chen dam pa rnams kyi ngo mtshar ba'i rnam par thar pa rnams ma tshang pa med pa mnga' ba'i tshul gyis dus ding sang gi gangs ri'i khrod kyi bstan 'dzin kun gyi gtsug rgyan dam par gyur te/ da lta dgung lo bdun cu pa'i steng du phebs pa/ slar yang bskal brgya'i bar du seng ges bteg pa'i 'gyur med rdo rje'i khri la zhabs zung brtan par bzhugs pa'i dge mtshan thams cad 'bad med lhun grub tu gyur pa'i ngang nas/ bdag cag lha dang bcas pa'i 'dren pa dam par sku lham me/ gsung lhang nge / thugs lhan ne ba'i tshul du bzhugs pa'i skyes chen dam pa 'di nyid kyi ngo mtshar ba'i rtogs pa brjod pa rgyas pa ni logs su 'chad par bdag spro la/ 'dir yang sku'i skye ba dran pa dang / bla ma dang lhag pa'i lha'i zhal gzigs