[A:134a]pa'i don du lha mchog 'jam pa'i dbyangs sam sa skya pa'i rje btsun gong ma gcig gi ngo bor bzhugs pa gdon mi za yang / gdul bya'i snang ngo tsam du ston par mdzad pa ni gzhi tshul khrims rnam par dag pa la gnas shing / mkhas grub kyi bla ma du mas rjes su bzung bas gsan pa rgya mtsho'i pha mthar son cing / mdo sngags rig gnas kyis bsdus pa'i shes bya'i yul mtha' dag la bslabs sbyangs mthar phyin pa mdzad pas/ 'chad rtsod rtsom gsum gang mdzad kyang thogs med kyi mkhyen rab mnga' bas bstan pa ma lus yongs rdzogs kyi gsal byed mchog tu gyur cing / rgyun du bsgom sgrub la rtse gcig tu gzhol bas/ so so'i rgyud dang man ngag nas bshad pa'i nyams rtogs thams cad thugs la 'khrungs pas gzhan gyi gegs sel ba dang / ting nge 'dzin ma skyes pa bskyed pa/ skyes pa bogs 'byin pa sogs la byin rlabs kyi rgyun gzhan las ches che ba mnga'