[A:133b]mdzad byung pas/ de'i byin rlabs kyi zil gyis rang gi lus skyi phung byed pa dang / sems la dga' bde khyad par can skyes shing / 'di lta bu'i snang tshul ni rang yang skal ba bzang ba dang bla ma 'di yang sprul pa'i sku yin pa la the tshom mi dgos pa 'dug snyam pa'i bcos min gyi dad pa dung dung skye ba zhig byung zhing / yang dus der lha khang rtse'i gsang ba'i mgon khang khyad par can de'i gnyan mgon bram ze'i gzugs can gyi sku brnyan 'bur sku'i drung du mchod bshams mdzad nas/ zhal bzhi pa bsgrub dus kyi rjes gnang rgyas pa dang / bram ze'i sngags gtad gnang ba'i tshe/ cung zad rtsub 'gyur che ba dang bcas rtags ya mtshan che ba zhig rmi lam du shar bas blo bde bar byung zhing / bla ma dang chos skyong la yid ches kyi dad pa thun mong ma yin pa zhig de dus skyes pa yin la/ yang ngos cag gi rnam 'dren dam pa mkhan chen thams cad mkhyen pa ngag dbang chos kyi grags pa ni/ nges